Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME JANUARY 2015

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Nso inam ediwak owo ẹnịm ke Abasi okobot kpukpru n̄kpọ?

Uwem edi utịbe enọ Abasi

N̄kpọ nte isua 3,000 emi ẹkebede, ewet uto kiet ọkọdọhọ ke ẹkebot imọ “ke utịbe utịbe usụn̄ emi enyenede ndịk.” (Psalm 139:14) Ndi isikpaha fi idem nte eyen esitọn̄ọde ke idịbi eka esie ọkọri tutu edimana? Ediwak owo ẹnịm ke Abasi okobot kpukpru n̄kpọ.—Kot Psalm 139:13-17; Mme Hebrew 3:4.

Abasi emi okobotde ofụri ekondo onyụn̄ anamde isọn̄ edi se ẹdụn̄de ọkọnọ unam ye owo uwem. (Psalm 36:9) Enye esitịn̄ ikọ ọnọ nnyịn mme owo onyụn̄ anam ifiọk n̄kpọ iban̄a enye.—Kot Isaiah 45:18.

Ndi nnyịn ikoforo ito unam?

Enyene ediwak n̄kpọ ke idem nnyịn emi ẹbietde eke unam. Se inamde etie ntre edi ke Abasi okobot owo ye unam ete ẹdụn̄ ke isọn̄. Enye akada ntan obot akpa owo, ikadaha unam ibot.—Kot Genesis 1:24; 2:7.

Enyene akpan n̄kpọ iba emi anamde owo okpụhọde ye unam. Akpa, owo ekeme ndifiọk Abasi emi okobotde enye, mma enye, nnyụn̄ n̄kpono enye, edi unam ikemeke. Ọyọhọ iba, Abasi ikobotke unam odu uwem ke nsinsi, edi okobot owo man odu ke nsinsi. Edi kpukpru owo mfịn ẹdada n̄kpa ẹmana sia akpa owo ikamaha ndinam se Abasi ọkọdọhọde.—Kot Genesis 1:27; 2:15-17.

 

Kpep N̄kpọ En̄wen