Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  December 2014

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Didie ke nditọwọn̄ ẹkpekpep ndima Abasi?

Da mme n̄kpọ emi Abasi obotde n̄wam eyen fo ọfiọk Abasi onyụn̄ ama enye

Nditọ fo ẹdikpep ndima Abasi n̄kukụre edieke mmọ ẹkụtde mme n̄kpọ emi ẹwụtde ke Abasi odu ye nte ke enye ama mmimọ. Mmọ mîdiọn̄ọke enye, mmọ idikemeke ndima enye. (1 John 4:8) Ke uwụtn̄kpọ, ana mmọ ẹfiọk ntak emi Abasi okobotde owo, ntak emi enye ayakde mme owo ẹbọ ufen, ye se enye edinamde inọ nnyịn ke ini iso.—Kot Philippi 1:9.

Mbemiso ekemede ndin̄wam nditọ fo ẹma Abasi, ana owụt mmọ ke afo ke idemfo amama Abasi. Ke ini mmọ ẹkụtde ke afo amama Abasi, mmọ ẹkeme ndikpebe fi.—Kot Deuteronomy 6:5-7; Mme N̄ke 22:6.

Nso ke akpanam man se ekpepde nditọ fo osụhọde odụk mmọ esịt?

Ikọ Abasi enyene odudu. (Mme Hebrew 4:12) Ntre, n̄wam nditọ fo ẹfiọk mme akpan n̄kpọ oro Bible ekpepde. Jesus ama esibụp mme owo mbụme, akpan̄ utọn̄ okop se mmọ ẹtịn̄de, onyụn̄ anam Ikọ Abasi an̄wan̄a mmọ. Ntem, se enye ekekpepde ama esidụk mmọ esịt. Edieke ekpepde nditọ fo n̄kpọ nte Jesus ekesikpepde, se afo ekpepde mmọ oyosụhọde odụk mmọ esịt.—Kot Luke 24:15-19, 27, 32.

Ke adianade do, mme mbụk Bible emi ẹban̄ade nte Abasi akanamde n̄kpọ ye mme owo ẹkeme ndin̄wam nditọ fo ẹfiọk Abasi ẹnyụn̄ ẹma enye. Mme n̄wed emi ẹkemede ndin̄wam mmọ ẹnam emi ẹdu ke www.jw.org/efi.—Kot 2 Timothy 3:16.