Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME DECEMBER 2014

 IBUOTIKỌ IKPAEDEM | AFO EMEKEME NDIKPERE ABASI

Idụhe Se Inemde Nte Ndikpere Abasi!

Idụhe Se Inemde Nte Ndikpere Abasi!

Nso ke akpanam man ekpere Abasi? Imeneme n̄kpọ ifan̄ emi akpanamde man ọtọn̄ọ ndikpere Abasi. Mmọ ẹdi:

  1. Diọn̄ọ ke Abasi ekere Jehovah sinyụn̄ kot enye ke enyịn̄.

  2. Sineme nneme ye enye kpukpru ini ke ndibọn̄ akam nnyụn̄ n̄kpep Ikọ Esie, oro edi, Bible.

  3. Ka iso nam se inemde Jehovah esịt.

San̄a kpere Abasi ke ndisikot enyịn̄ esie, ndisibọn̄ akam nnọ enye, ndisikpep Ikọ esie, ndisinyụn̄ nnam se inemde enye esịt

Fiak se n̄kpọ ita emi ise. Ndi emekere ke amanam ofụri se akpanade anam man ekpere Abasi? Ndi enyene ebiet emi ekerede ke imọ inamke ọfọn? Imọdiọn̄ọ ke owo mîsịnke ukeme enye idikemeke ndikpere Abasi, edi kere ban̄a ufọn emi edidiade.

Jennifer emi odụn̄de ke United States ọdọhọ ete: “Idụhe se owo anamde man edi ufan Abasi emi editakde-tak. Owo ndidi ufan Abasi asan̄a ye ediwak edidiọn̄: esinam owo etetịm ọbuọt idem ye Abasi, anam owo etetịm ọdiọn̄ọ Abasi, onyụn̄ anam owo etetịm ama Abasi. Idụhe se inemde ntem!”

Edieke akpamade ndidi ufan Abasi, Mme Ntiense Jehovah ẹyema ndin̄wam fi. Mmọ ẹkeme ndikpep fi Bible ke mfọn. Emekeme n̄ko ndika Ufọkmbono Obio Ubọn̄ ke edem mbufo n̄ketiene mmọ n̄kpep Bible. Do ke afo edisobo ye mbon emi ẹkperede Abasi ẹnyụn̄ ẹmade ndidi ufan esie. * Edieke anamde emi, editie fi ke idem nte eketiede andiwet psalm emi ọkọdọhọde ete: “Amaedi ami, ọfọn mi ndisan̄a n̄kpere Abasi.”—Psalm 73:28.

^ ikp. eki. 9 Edieke oyomde owo edikpep fi Bible mîdịghe edieke oyomde ndifiọk ebiet emi Ufọkmbono Obio Ubọn̄ odude ekpere fi, mbọk dọhọ owo emi ọkọnọde fi magazine emi, mîdịghe ka ikpehe Intanet nnyịn emi www.jw.org/efi. Se ke ebiet emi okụtde KOT MÎDỊGHE WET NNYỊN ke isọn̄ isọn̄ akpa page.

Kpep N̄kpọ En̄wen

Nso Idi Ukpepn̄kpọ Bible

Kot ibọrọ ediwak mbụme emi ẹsibụpde ẹban̄a ndutịm ukpep Bible nnyịn.