Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME NOVEMBER 2014

 IBUOTIKỌ IKPAEDEM | NDI SATAN ODU?

Ndi Satan Odu?

Ndi Satan Odu?

Ndusụk owo ẹda Satan nte idiọk angel emi ama ọkọkpọn̄ Abasi. Enye ke ẹbot emi ke Madrid ke Spain

“N̄kokpon ke El Salvador. Ekesidi mma nsọn̄ ibuot, eka mi ọdọhọ ke Devil ọmọn̄ edimụm mi. Mma nsidọhọ yak edi. N̄kekere ke Satan idụhe, ke Abasi kpọt odu.”—ROGELIO.

Ndi emenyịme se Rogelio etịn̄de emi? Ewe ke otu se itienede emi ke afo ekere ke edi akpanikọ?

  • Satan idụhe; idiọkn̄kpọ ke ẹkot Satan.

  • Satan odu, edi enye idọn̄ke enyịn ke se mme owo ẹnamde.

  • Satan odu, edi owo ikemeke ndikụt enye. Enye enyene odudu; enye esinam mme owo ẹnam se mmọ mîkpanamke.

Ata ediwak owo ẹnịm mme n̄kpọ emi isiakde mi. Edi ndi ufọn osụk odu ndibiat ini ndụn̄ọde m̀mê ewe edi akpanikọ? Ọfọn, edieke Satan mîdụhe, ọwọrọ mbon oro ẹnịmde ke enye do ẹbian̄a idem. Edieke Satan odude, edi idọn̄ke enyịn ke se mme owo ẹnamde, ọwọrọ ufọn idụhe ndifehe enye. Edi edieke Satan odude, edi oyomde mme owo ẹkere ke imọ idụhe man ada mmọ anam uduak esie, ọwọrọ oyom ẹnen̄ede ẹkpeme idem.

Ẹyak ise nte Edisana N̄wed Abasi ọbọrọde mbụme ifan̄ emi: Ndi idiọkn̄kpọ ke ẹkot Satan mîdịghe ndi Satan edi ata owo emi nnyịn mîkemeke ndikụt? Edieke enye edide ata owo, ndi enye ekeme ndinam fi n̄kpọ? Edieke edide ntre, nso ke akpanam mbak enye edinam fi n̄kpọ?