Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  October 2014

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Ntak emi ikpọbọn̄de akam idọhọ Obio Ubọn̄ Abasi edi?

Ndi akpama ndifiọk n̄kpọ efen mban̄a Obio Ubọn̄ Abasi ye se enye edinamde?

Obio Ubọn̄ Abasi edi ukara emi odude ke heaven. Jesus ọkọdọhọ mbet esie ẹbọn̄ akam ẹdọhọ Obio Ubọn̄ Abasi edi sia enye edinam isọn̄ emi afiak eketie nte eketiede ke editọn̄ọ. Enye oyosio idiọkn̄kpọ efep onyụn̄ anam emem odu ke kpukpru ebiet. Idụhe ukara owo emi ekemede ndisio afai, utụk, ufịk, ye udọn̄ọ mfep ofụri ofụri, edi Obio Ubọn̄ Abasi oyosio. Jehovah Abasi emek Jesus Eyen esie ete edi Edidem Obio Ubọn̄ oro. Enye emek n̄ko ndusụk mme anditiene Jesus ete ẹtiene Jesus ẹkara ke Obio Ubọn̄ oro.—Kot Luke 11:2; 22:28-30.

Obio Ubọn̄ Abasi ọmọn̄ ọsọp osobo mbon oro mîmaha ukara Abasi. Ntre, ke ini ibọn̄de akam idọhọ Obio Ubọn̄ Abasi edi, nnyịn iben̄e ite yak ukara Abasi edida itie kpukpru ukara owo.—Kot Daniel 7:13, 14; Ediyarade 11:15, 18.

Ntak emi Obio Ubọn̄ Abasi edifọnde ye mme owo?

Jesus edi eti Edidem sia enye esitua owo mbọm. Sia enye edide Eyen Abasi, enye enyene odudu ekem ndin̄wam kpukpru mbon oro ẹsemede ẹkot Abasi.—Kot Psalm 72:8, 12-14.

Kpukpru mbon oro ẹsibọn̄de akam ke ofụri esịt ẹdọhọ Obio Ubọn̄ Abasi edi ẹnyụn̄ ẹdude uwem nte Abasi oyomde ẹyedia ufọn Obio Ubọn̄ emi. Tutu amama, udutuaha n̄kpọfiọk nte ekekpepde aban̄a Obio Ubọn̄ Abasi.—Kot Luke 18:16, 17; John 4:23.

 

Kpep N̄kpọ En̄wen

Nso ke Bible Enen̄ede Ekpep?

Nso Idi Obio Ubọn̄ Abasi?

MME MBỤME BIBLE ORO ẸBỌRỌDE

Ndi Abasi Ayan̄wam Mi Edieke Mbọn̄de Akam?

Ndi mfịna nnyịn ebehe Abasi?