Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME AUGUST 2014

 IBUOTIKỌ IKPAEDEM | NDI ABASI EKERE ABAN̄A FI?

Ndi Abasi Abat Fi ke N̄kpọ?

Ndi Abasi Abat Fi ke N̄kpọ?

“Ami ndi owo ukụt ye ubuene. Jehovah abat mi ke n̄kpọ.” *DAVID EDIDEM ISRAEL EKEWET IKỌ EMI.

“Mme idụt ẹtie nte ntọi mmọn̄ emi otode bọket.”ISAIAH 40:15

Ndi ama odot David ndikere ke Abasi abat imọ ke n̄kpọ? Ndi Abasi abat fi ke n̄kpọ? Ọsọsọn̄ ediwak owo ndinịm ke Ata Ọkpọsọn̄ Abasi ekere aban̄a mmimọ. Ntak-a?

Ntak kiet edi ke Abasi okpon onyụn̄ okon̄ akan nnyịn mme owo. Ke iso esie, ofụri ererimbot etie nte “ntọi mmọn̄ emi otode bọket; ẹnyụn̄ ẹbat mmọ nte obu ke udomon̄kpọ.” (Isaiah 40:15) Ete kiet emi mînịmke ke Abasi do ekewet ete ke “owo emi enịmde ke Abasi ekere aban̄a imọ onyụn̄ ọdọn̄ enyịn ke se imọ inamde edi ata owo ntan̄idem.”

Mbon en̄wen ẹkere ke idiọkn̄kpọ mmimọ anam Abasi okûma mmimọ. Ke uwụtn̄kpọ, ete kiet emi ekerede Jim ọdọhọ ete: “Mma nsibọn̄ akam kpukpru ini nte Abasi an̄wam mi ntie emem emem nnyụn̄ mmụm idem n̄kama ke ini n̄kpọ abiakde mi. Edi ntise, mfiak nduọ obom. Ke akpatre, mma ndọhọ ke ndi ata idiọkowo, ke inyeneke nte Abasi ekemede ndin̄wam mi.”

Ndi Abasi oyom usụn̄ ọkpọn̄ nnyịn tutu idọn̄ke enyịn ke se inamde? Didie ke enye ese nnyịn mme owo? Idụhe owo emi ekpekemede ndibọrọ mbụme emi ke Abasi mîkpetịn̄ke n̄kpọ emi inọ nnyịn. Edi Bible emi Abasi adade etịn̄ uduak esie ọnọ nnyịn anam ifiọk ke Abasi ‘iyomke usụn̄ ikpọn̄ nnyịn owo kiet kiet’ inyụn̄ ifreke iban̄a nnyịn. (Utom 17:27) Ke ibuotikọ inan̄ oro ẹtienede, iyeneme nte Abasi anamde idiọn̄ọ ke imekere iban̄a nnyịn. Iyeneme n̄ko nte enye anamde-nam emi owụt ye mme owo nte afo.

^ ikp. eki. 3 Psalm 40:17; Bible ọdọhọ ke Abasi ekere Jehovah.