Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME JULY 2014

 IBUOTIKỌ IKPAEDEM | NTAK EMI N̄KPỌ ESINAMDE NTI OWO?

Ndiọi N̄kpọ Ẹyọyọhọ Ererimbot Emi!

Ndiọi N̄kpọ Ẹyọyọhọ Ererimbot Emi!

Smita, * ekedi isua 35 okonyụn̄ odụn̄ ke Dhaka ke Bangladesh. Enye ekedi ata eti an̄wan. Enye ama esima mme owo, esịn idem anam utom, onyụn̄ an̄wam mbon en̄wen ẹkpep n̄kpọ ẹban̄a Abasi. Enye ama okop inem ndọ esie. Ntre, idem ama enen̄ede akpa ubon ye mme ufan esie ke ini enye ọkọdọn̄ọde onyụn̄ akpa ke ufan̄ urua kiet!

James ye n̄wan esie emi ẹbede isua 30 ẹkenyụn̄ ẹtie nte Smita. Usen kiet, mmọ ẹma ẹka ndise mme ufan mmọ ke n̄kan̄ edem usoputịn United States. Mmọ ikọnyọn̄ke aba idi ufọk mmọ ke New York sia mmọ ẹma ẹnyene aksiden ke usụn̄ ẹnyụn̄ ẹkpan̄a. Emi ama enen̄ede abiak ubon mmọ, mme ufan mmọ, ye mbon itieutom mmọ.

Idịghe se ẹtetịn̄, afo emetiene ada enyịn fo okụt ke ndiọi n̄kpọ ye ufen ẹyọyọhọ ererimbot emi. Ekọn̄ owot ata ediwak owo, kpa ye mbonekọn̄ nde. Ubiatibet ye afai ẹnọmọ mme owo. Mbabuat n̄kpọntịbe ye idiọk udọn̄ọ isatke-sat owo. Oto-obot afanikọn̄ esisobo ediwak obio. Asari, utụk, ye usua ẹdu ke kpukpru ebiet. Ekeme ndidi kiet ke otu emi ewet edisịm fi idem.

Emi esinam mme owo ẹbụp mme mbụme emi:

  • Ntak emi n̄kpọ esinamde nti owo?

  • Ndi Abasi edi ntak?

  • Ndi afanikọn̄ esitịbe ntre ke idemesie, mîdịghe ndi owo esinam?

  • Ke ini afanikọn̄ esịmde owo, ndi idiọkn̄kpọ esie oyom enye okụt?

  • Edieke Ata Ọkpọsọn̄ Abasi odude, ntak emi enye mîsikpemeke nti owo mbak n̄kpọ idinam mmọ?

  • Ndi odu ini emi ndiọi n̄kpọ ye ufen mîdidụhe aba?

Enyene akpan mbụme emi anade ibọrọ edieke iyomde ndifiọk ibọrọ mme mbụme emi: Ntak emi ndiọi n̄kpọ ẹsitịbede, ndien nso ke Abasi edinam?

^ ikp. eki. 3 Ẹkpụhọ mme enyịn̄.