Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME APRIL 2014

 IBUOTIKỌ IKPAEDEM | NDI EMESIBỌN̄ AKAM?

Nso Isinam Mme Owo Ẹbọn̄ Akam?

Nso Isinam Mme Owo Ẹbọn̄ Akam?

Ndi emesibọn̄ akam? Ata ediwak owo ẹsibọn̄, ye idem mbon emi mînịmke ke Abasi do. Edi ntak emi mme owo ẹsibọn̄de akam? Ndusụk mbon France ẹdọhọ ke isibọn̄ akam man “ekikere ana mmimọ sụn̄.” Mmọ ye ediwak mbakara n̄kan̄ oro isibọn̄ke akam ke ntak emi mmọ ẹmade Abasi, edi ẹsibọn̄ akam man esịt ana mmọ sụn̄. Idem ndusụk mbon emi ẹnịmde ke Abasi do ẹsibọn̄ akam n̄kukụre ke ini mmọ ẹnyenede mfịna ẹnyụn̄ ẹyom Abasi ọsọsọp anam se mmimọ iyomde.—Isaiah 26:16.

Afo-o? Ndi esinyụn̄ ọbọn̄ akam man ekikere ana fi sụn̄? Edieke edide emenịm ke Abasi do, ndi omokụt ufọn akam ke uwem fo? Mîdịghe ndi etie fi nte ke Abasi isibọrọke akam fo? Bible ayanam fi okụt ke akam idịghe n̄kpọ emi owo onyụn̄ ọdọhọde ibọn̄ man ekikere ana imọ sụn̄, edi ke edi ata eti usụn̄ emi owo ekemede ndisan̄a n̄kpere Abasi.