Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME FEBRUARY 2014

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Ndi Bible edi N̄wed Abasi?

Edieke owo ọdọhọde ke idụhe n̄wed emi ebietde Bible, owo oro etịn̄ akpanikọ koro idụhe. Ẹmịn̄ ata ediwak Bible ke ediwak usem. Nti ikọ emi ẹdude ke Bible ẹkeme ndikpụhọde mme owo.—Kot 1 Thessalonica 2:13; 2 Timothy 3:16.

Bible edi N̄wed Abasi koro se enye etịn̄de aban̄a ini iso isitreke nditịbe. Idụhe owo emi ekemede ndinam emi. Yak ida N̄wed Isaiah ke uwụtn̄kpọ. Se ibede isua ikie mbemiso Jesus amanade, ẹma ẹkụt ikpan̄wed Isaiah ke abaitiat ke mben Inyan̄ Inụn̄. Ikpan̄wed oro ọkọdọhọ ke ini ke edi emi owo mîdidụn̄ke aba ke Babylon. Emi ama etịbe ediwak isua ke Jesus ama ekedi isọn̄ onyụn̄ ọnyọn̄.—Kot Isaiah 13:19, 20; 2 Peter 1:20, 21.

Ẹkewet Bible didie?

Ẹkeda n̄kpọ nte isua 1,600 ẹwet Bible. N̄kpọ nte owo 40 emi ẹkewetde Bible ẹketịn̄ uyo ikọ kiet, idịghe ẹtetịn̄ ẹsịn, ẹtetịn̄ ẹsio. Abasi eketeme mmọ se ẹkpewetde; enye anam edi ntre.—Kot 2 Samuel 23:2.

Ndusụk ini, Abasi akada mme angel eteme mme owo se ẹkpewetde. Ndusụk enye owụt mmọ ke n̄kukụt, m̀mê ke ndap, onyụn̄ ayak mmọ ẹda ikọ idemmọ ẹwet se enye oyomde.—Kot Ediyarade 1:1; 21:3-5.

Kpep N̄kpọ En̄wen