Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME JANUARY 2014

 IBUOTIKỌ IKPAEDEM | NDI OWO AMA AKPA, ESIE OKỤRE?

N̄kpa Esibiak Owo Etieti

N̄kpa Esibiak Owo Etieti

Mme owo isimaha nditịn̄ n̄kpọ mban̄a n̄kpa. Edi mme owo ke ẹkpan̄a kpukpru usen. N̄kpa esibiak owo odụk ọkpọ.

Okposụkedi emi kpukpru nnyịn idiọn̄ọde ke n̄kpa ekeme ndida owo nnyịn usen kiet usen kiet, idụhe eke n̄kpa mîsibiakke. N̄kpa ekeme ndida owo ke mbuari, mîdịghe ada owo emi ama ọkọdọn̄ọ ebịghi. Idụhe utọ n̄kpa emi mîsibiakke owo. Ibuot esiyon̄ owo ini ekededi emi enye etide ke imọ idifiakke ikụt owo imọ oro akpade.

Antonio emi moto ọkọtọde ete esie owot ọdọhọ ete: “N̄kpa etie nte ndidi ọkọwọrọ ke ufọk, owo edikọbi usụn̄ ufọk fo ọduọk ukpọhọde, iyakke ọnyọn̄ edidụk ufọk oro aba ekpededi sekọn kiet. N̄kukụre se etide edi nte ufọk oro eketiede. Osụk etie fi nte n̄kpọ ndap, edi idịghe ndap. Inyeneke se ekemede ndinam, ntre ana ọbọ ita ke ime.”

Dorothy ekedi isua 47 ini ebe esie akpade ọkpọn̄ enye. Okposụkedi emi enye ekesikpepde nditọwọn̄ ke ufọkabasi ke owo ama akpa, aka heaven m̀mê hell, enye ikọdiọn̄ọke m̀mê ntre ke edi. Ntre enye ama aka okobụp ọkwọrọikọ Anglican m̀mê nso isitịbe ke owo ama akpa. Ọkwọrọikọ emi ọkọdọhọ enye ete: “Idụhe eke ọdiọn̄ọde utọ n̄kpọ oro. Yak inyụn̄ ibebet ise.”

Ndi ana isụk “ibebet ise”? Ndi isụk idụhe nte ikpọdiọn̄ọde m̀mê owo ama akpa, esie okụre?