Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME NOVEMBER 2013

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Mmanie ẹdika heaven? Nso ke mmọ ẹka ndinam?

Ata ediwak owo ẹyom ndika heaven. Jesus ọkọdọhọ mme apostle esie emi ẹkesọn̄ọde ẹda ẹnam n̄kpọ Abasi ete ke mmọ ẹyeka heaven. Mbemiso Jesus akpa, enye ama ọn̄wọn̄ọ ke iyaka iketịm itie inịm inọ mmọ ke heaven.—Kot John 14:2.

Ntak emi Abasi anamde mme owo ẹset ẹka heaven? Nso ke mmọ ẹka ndinam? Jesus ọkọdọhọ mme apostle esie ke mmọ ẹdidi ndidem. Mmọ ẹditie ke heaven ikara ofụri isọn̄ emi.—Kot Luke 22:28-30; Ediyarade 5:10.

Ndi kpukpru nti owo ẹdika heaven?

Kere ise, ndi kpukpru owo ẹsikara obio? Sia mbon oro ẹsetde ẹka heaven ẹkade ndikara isọn̄ emi, ndi ukereke ke akpana mmọ ẹdi ibat ibat owo? (Luke 12:32) Bible asiak nnennen ibat owo emi ẹditienede Jesus ikara ke heaven.—Kot Ediyarade 14:1.

Sia kpukpru nti owo mîdikaha heaven, mmọ eken ẹdidu ke m̀mọ̀n̄? Abasi ọn̄wọn̄ọ ndinam isọn̄ emi edi ata ediye Paradise, ndien mbon oro ẹnyịmede Jesus akara mmimọ ẹdidu ke nsinsi ke Paradise oro. (John 3:16) Ndusụk owo ẹyebọhọ nsobo idiọk ererimbot emi ẹdụk Paradise oro. Edi mbon eken ẹdiseset ididụk.—Kot Psalm 37:29; John 5:28, 29.

 

Kpep N̄kpọ En̄wen