Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  October 2013

 IBUOTIKỌ IKPAEDEM | NSO ISỊNE KE BIBLE?

Ntak Emi Akpamade Ndikot Bible?

Ntak Emi Akpamade Ndikot Bible?

Idụhe n̄wed emi mme owo ẹdiọn̄ọde ke ofụri ererimbot nte Bible. Ntak-a? Sia Bible etịn̄ se isiwọrọde nnyịn. Enye etịn̄ aban̄a mme owo nte nnyịn, etịn̄ nte mmọ ẹkedude uwem ye ekemmọ owo ye Abasi. Bible ekpep nnyịn nte ikpodude uwem. Ẹkewet enye ke usụn̄ emi ekemede ndisọp n̄n̄wan̄a owo. Emi anam ẹkeme ndikabade enye nsịn ke ata ediwak usem man owo ekededi ekeme ndikot nnyụn̄ mfiọk se enye etịn̄de. Item Bible enyenyene ufọn kpukpru ini.

Ata akpan n̄kpọ emi anade ifiọk edi nte ke Bible edi n̄wed Abasi. Enye anam nnyịn ifiọk enyịn̄ Abasi, edu esie, ye se ikanamde enye obot isọn̄ ye owo. Bible owụt ke uduak Abasi ikpụhọkede. Bible etịn̄ n̄ko nte Satan akamiade ata ye Abasi ye nte Abasi edikande enye. Edieke afo okotde Bible ye eti esịt, eyetiene enyene mbuọtidem ye idotenyịn emi N̄wed Abasi ọnọde.

Se ikotde ke Bible idụhe ke n̄wed en̄wen ekededi. Ke uwụtn̄kpọ, Bible kpọt etịn̄

  • nte ikasan̄ade ididu ke isọn̄ emi ye ntak emi ibọde ufen ntem

  • se Abasi anamde man anyan̄a nnyịn

  • se Jesus anamde ọnọ nnyịn

  • se iditịbede inọ nnyịn ye isọn̄ emi ke ini iso

Mbọk kot ibuotikọ ifan̄ oro ẹtienede man ọfiọk se isịnede ke Bible. Ididaha fi ini.