Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME JULY 2013

Ndi Amama nte Ufọkabasi Ẹdade Okụk?

Ndi Amama nte Ufọkabasi Ẹdade Okụk?

Estelle * ama esida nditọ esie mbitiaba aka ufọkabasi. Enye ọdọhọ ete: “Mma ndọhọ etubom ufọkabasi nnyịn ke nyom ndikpep Bible.” Edi ete oro ikenyịmeke ndikpep enye Bible. Ke akpatre, enye ama etre ndika ufọkabasi oro. Estelle ọdọhọ ete: “Ikpọ owo ufọkabasi oro ẹma ẹnọ mi leta ẹdọhọ edieke mmen̄kemeke ndidi, yak nsinọ okụk ẹdi. Mma ndikụt ke se ibehede mmọ edi okụk, ibeheke mmọ m̀mê mmedi ufọkabasi m̀mê ndịghe.”

Angelina emi ekesimade ndika ufọkabasi ọdọhọ ete: “Ẹsimen usan etịbe ẹsan̄a ẹkanade ufọkabasi ikata ke ini ẹnamde edinam kiet, ẹnyụn̄ ẹyom owo esịn okụk ikata. Kpukpru ukwọrọikọ osụk aban̄a okụk. Mma ndọhọ ke esịt mi nte ke idịghe ufọkabasi edi emi.”

Ndi ufọkabasi ke edem mbufo ẹsida nsio nsio usụn̄ ẹbọ mme owo okụk ntre? Ndi se Bible ọdọhọde ẹnam edi oro?

NSO KE BIBLE EKPEP?

Jesus emi ọkọtọn̄ọde Ido Ukpono Christ ọkọdọhọ ete: “Mbufo ẹkebọ ke mfọn, ẹnọ ke mfọn.” (Matthew 10:8) Ikọ Abasi idịghe unyam sia idụhe eke ekpekemede ndidep. Abasi oyom kpukpru owo emi ẹmade imọ ẹkop Ikọ imọ ke mfọn.

Mme Christian eyo mme apostle ẹkesida m̀mọ̀n̄ okụk ẹnam n̄kpọ Abasi?

Owo kiet kiet ekesitịp “kpa nte enye ebierede ke esịt esie, [inamke] mmen̄e mmen̄e m̀mê ke edinyenyịk, koro Abasi amama owo eke ọnọde ke idatesịt.” (2 Corinth 9:7) Apostle Paul ọkọdọhọ ete: “Nnyịn ima inam utom okoneyo ye uwemeyo, man ikûdori owo mbufo ekededi ndodobi mbiomo ke idem, ke ini ikọkwọrọde eti mbụk Abasi inọ mbufo.” (1 Thessalonica 2:9) Paul ekesinam ufọk ọfọn̄ ada an̄wam idem man ekeme ndikwọrọ ikọ.—Utom 18:2, 3.

MME NTIENSE JEHOVAH ẸSINAM EKE MMỌ DIDIE?

Mme Ntiense Jehovah ẹsisop idem ke n̄kpri ndiye ebiet emi ẹkotde Ufọkmbono Obio Ubọn̄. Mmọ ẹsida okụk ke m̀mọ̀n̄? Mmọ isisan̄ake itan̄ etịbe, inyụn̄ inọhọ mme efọkn̄wed ẹsọk mme owo ẹtịp okụk ẹnọ ẹsọk mmimọ. Utu ke oro, owo ekededi oro amade se mmọ ẹnamde ekeme ndisịn se enye enyenede ke ekebe etịbe emi odude ke Ufọkmbono Obio Ubọn̄ mmọ.

Ẹkpeda m̀mọ̀n̄ okụk ẹnam n̄kpọ Abasi?

Afo ọmọdiọn̄ọ ke ẹda okụk ẹmịn̄ magazine emi. Edi tutu amama udukwe ẹdade enye ẹnam mbubịne m̀mê ẹdade ẹben̄e mme owo okụk! Ẹsida enye ẹnam mme owo ẹdiọn̄ọ se Bible ekpepde.

Afo ekere didie? Ndi se Mme Ntiense Jehovah ẹnamde idịghe se Jesus ọkọdọhọde ẹnam inyụn̄ idịghe se mme Christian eyo mme apostle ẹkesinamde?

^ ikp. eki. 2 Ẹkpụhọ ndusụk enyịn̄ ke mme ibuotikọ emi.