Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  July 2013

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Ndi imekeme ndidu uwem ke nsinsi?

Nso ke Abasi anam man idu uwem ke nsinsi?

Adam emi edide akpa owo emi Abasi okobotde ama odu uwem ekpere tọsịn isua kiet. Edi enye ama ọsọn̄ akpa. Tọn̄ọ oro, mme owo ke ẹyom nte ẹkpetrede usọn̄ ye n̄kpa edi ikemeke. Ntak-a? Nsọn̄ibuot akanam Adam ọsọn̄ akpa. Kpukpru nnyịn ikadada idiọkn̄kpọ ke Adam imana. Ntak edi oro owo esikpade.—Kot Genesis 5:5; Rome 5:12.

Mbemiso idude uwem ke nsinsi, ana owo edifak nnyịn. (Job 33:24, 25) Ufak edi n̄kpọ emi ẹkpede man ẹsana owo emi ẹkemụmde ẹyak. Ndien eke nnyịn, akana ẹfak nnyịn man n̄kpa asana nnyịn ayak. (Exodus 21:29, 30) Jesus ama ekpe ufak emi ke ini enye akakpade ọnọ nnyịn.—Kot John 3:16.

Nso ke ikpanam man idu uwem ke nsinsi?

Idịghe kpukpru owo ẹdidu uwem ke nsinsi. Owo ekededi emi ọsọn̄de ibuot ye Abasi nte Adam ọkọsọn̄de idinyeneke nsinsi uwem. Mbon oro Abasi efende idiọkn̄kpọ mmọ kpọt ẹdinyene nsinsi uwem.—Kot Isaiah 33:24; 35:3-6.

Ana inam n̄kpọ mbemiso Abasi efen idiọkn̄kpọ nnyịn. Nnyịn inyene ndikpep Bible man ifiọk Abasi. Bible owụt se ikpanamde man uwem nnyịn ọfọn. Enye etịn̄ n̄ko se ikpanamde man Abasi ama nnyịn, onyụn̄ ọnọ nnyịn nsinsi uwem.—Kot John 17:3; Utom 3:19.

Kpep N̄kpọ En̄wen

ENYỌN̄-UKPEME

Ndi Abasi Ekeme Ndifen Mme Idiọkn̄kpọ Nnyịn?

Ndi Abasi esifen ikpọ idiọkn̄kpọ? Nso ke ikpanam man Abasi efen ọnọ nnyịn?