Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  June 2013

Mme Mbụme Bible Oro Ẹbọrọde

Mme Mbụme Bible Oro Ẹbọrọde

Ntak emi emem mîdụhe ke ererimbot emi-e?

Ukara emi edinamde mme owo ẹkabade esịt edinam emem odu ke ererimbot emi

Bible etịn̄ akpan ntak iba. Akpa, kpa ye oro mme owo ẹnamde ediwak ikpọ n̄kpọ, Abasi ikobotke mmọ man mmọ ẹkara idem. Ọyọhọ iba, se mme owo ẹnamde isisọn̄ọke ida sia “ofụri ererimbot esịne ke idak odudu andidiọk,” Satan kpa Devil. Ntem, owo ikemeke ndida emem ndi.—Kot Jeremiah 10:23; 1 John 5:19.

Nte mme owo ẹmade idemmọ kpọt ẹnyụn̄ ẹyomde ikpọ n̄kpọ iyakke emem odu ke ererimbot emi. N̄kukụre se idinamde emem odu ke ererimbot emi edi ndinyene ukara kiet kpọt emi edikpepde mme owo ẹma akpanikọ ẹnyụn̄ ẹma se inende.—Kot Isaiah 32:17; 48:18, 22.

Anie idinam emem odu ke isọn̄ emi?

Ata Ọkpọsọn̄ Abasi ọn̄wọn̄ọ nditọn̄ọ ukara kiet emi edikarade ofụri ubonowo. Enye edida itie kpukpru ukara owo. (Daniel 2:44) Jesus emi edide Eyen Abasi edikara isọn̄ ini oro. Enye edi Ọbọn̄ Emem, enye oyonyụn̄ osio kpukpru idiọkn̄kpọ ke isọn̄ emi efep onyụn̄ ekpep mme owo ndidụn̄ ye kiet eken ke emem.—Kot Isaiah 9:6, 7; 11:4, 9.

Kan̄a ke emi, Jesus ke anam ata ediwak owo ke ofụri ererimbot ẹda Ikọ Abasi ẹkpep mme owo nte ẹkpedude ke emem ye mbon en̄wen. Ke mîbịghike, emem oyodu ke ofụri isọn̄.—Kot Isaiah 2:3, 4; 54:13.