Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME FEBRUARY 2013

 IBUOTIKỌ IKPAEDEM: SE IKPEPDE ITO MOSES

Anie Ekedi Moses?

Anie Ekedi Moses?

Nso ke esikere ama okokop Moses? Ndi esiti . . .

  • nsekeyen emi eka ekesịnde ke akpasa ekedịp ke Akpa Nile?

  • eyenọwọn̄ emi adiaha Pharaoh ekemende akama ke ufọkubọn̄ Egypt, edi mîkefreke ke imọ idi eyen Israel?

  • owo emi akasan̄ade ekpeme erọn̄ isua 40 ke Midian?

  • owo emi akadade ekpere eto emi asakde ikan̄ eneme nneme ye Jehovah? *

  • owo emi ekenyenede uko ọdọhọ edidem Egypt ete ayak nditọ Israel ẹnyọn̄ọ?

  • owo emi Abasi akadade ọnọ Egypt Ufen Duop ke ini edidem Egypt ọkọsọn̄ọde Abasi enyịn?

  • owo emi akadade nditọ Israel ọwọrọ ke Egypt?

  • owo emi Abasi akadade abahade Ididuot Inyan̄?

  • owo emi ọkọbọde Abasi Ibet Duop ọsọk nditọ Israel?

MOSES ekedi kpukpru emi. Ntak edi oro mme Christian, mme Jew, ye mbon Muslim ẹnen̄erede ẹkpono enye.

Ke akpanikọ, Moses ekedi prọfet emi ‘enyenede uten̄e.’ (Deuteronomy 34:10-12) Enye ama ayak Abasi ada imọ anam ikpọ utịben̄kpọ. Edi Moses ekedi “owo emi n̄kpọ esitụkde nte nnyịn,” kpa nte prọfet Elijah emi akadade ye enye ke n̄kukụt ye Jesus ke ini Jesus okodude ke isọn̄. (James 5:17; Matthew 17:1-9) Se isinyụn̄ iwọrọde nnyịn ẹma ẹwọrọ Moses, edi enye ama akan mmọ kpukpru.

Ndi akpama ndifiọk nte enye akasan̄ade anam emi? Yak ise nti edu ita emi Moses ekenyenede inyụn̄ ise se ikemede ndikpep nto enye.

^ ikp. eki. 7 Bible ọdọhọ ke Abasi ekere Jehovah.