Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ENYỌN̄-UKPEME 2011-02-01

Ndi Mme Ntiense Jehovah ẹsibọ usọbọ ufọkibọk?

Ndi Mme Ntiense Jehovah ẹsibọ usọbọ ufọkibọk?

  Mme Andikot N̄wed Nnyịn Ẹbụp Ẹte  . . .

Ndi Mme Ntiense Jehovah ẹsibọ usọbọ ufọkibọk?

▪ Jesus ọkọdọhọ ke “mbon emi idem ọsọn̄de isiyomke abiausọbọ, edi mbon oro idem mîsọn̄ke ẹsiyom.” (Matthew 9:12) Ikọ esie okowụt ke N̄wed Abasi ikpanke ndibịne abiausọbọ n̄kọbọ usọbọ. Ntre, Mme Ntiense Jehovah ẹsibọ usọbọ ufọkibọk ẹnyụn̄ ẹmen ibọk. Mmọ ẹsinam emi man ẹdu uwem ẹbịghi, idem onyụn̄ ọsọn̄ mmọ. Ke nditịm ntịn̄, ndusụk mmọ ẹnyụn̄ ẹdi mbiausọbọ nte Luke emi ekedide Christian ke eyo mme apostle.—Colossae 4:14.

Edi Mme Ntiense Jehovah isibọhọ usọbọ ekededi emi atuahade ye mme edumbet Bible. Ke uwụtn̄kpọ, mmọ isiyakke ẹsịn mmimọ iyịp sia Bible ọdọhọ ibet iyịp. (Genesis 9:4; Leviticus 17:1-14; Utom 15:28, 29) Ikọ Abasi akpan n̄ko ndibọ usọbọ ekededi emi abuanade “idiọk odudu,” m̀mê ubụpekpo.—Isaiah 1:13; Galatia 5:19-21.

Ediwak mbiausọbọ mfịn ẹsinọ nti usọbọ oro mîtuahake ye mme edumbet Bible. Utọ usọbọ emi ke Mme Ntiense Jehovah ẹsibọ, ndien usọbọ enye emi esinen̄ede ọfọn akan enye oro atuahade ye Ikọ Abasi.

Imọfiọk ke usọbọ onyụn̄ etie nte Ikọ Efịk emi ẹsidọhọde “kwa idụt kwa usem.” Edi se ifọnde ye owo kiet ekeme nditre ndifọn ye owo en̄wen. Ntre, owo udọn̄ọ emi oyomde ndinen̄ede ndiọn̄ọ se ifịnade imọ nnyụn̄ mbọ ata eti usọbọ ekeme ndibiere ndika mbịne nsio nsio mbiausọbọ.—Mme N̄ke 14:15.

Kpukpru Mme Ntiense Jehovah isibiereke ndibọ orụk usọbọ kiet. Ikọ Abasi enyịme mme Christian ẹnam nsio nsio ubiere ke n̄kpọ emi mîtuahake ye ibet Abasi. (Rome 14:2-4) Ntre, Christian kiet kiet enyene ndinen̄ede nnam ndụn̄ọde nnyụn̄ n̄kụt ete ke usọbọ oro iyomde ndibọ ifịnake ubieresịt imọ emi Bible ọnọde ukpep mbemiso enye ọbọde usọbọ oro.—Galatia 6:5; Mme Hebrew 5:14.

Ke mme n̄kpọ ntem, Ntiense kiet kiet esinyụn̄ ekere n̄kpọ nte awat ubomisọn̄ emi oyomde ndisịm usụn̄ emi ubomisọn̄ ẹwakde etieti. Edieke enye esịnde ibuot etiene mme ubomisọn̄ eken, enye ekeme ndinyene akamba unọmọ. Edi enyene-ibuot owo idinamke oro; enye oyosụhọde ubọk uwat, enen̄ede ese nte usụn̄ etiede mbemiso esịnde ibuot. Kpasụk ntre, Mme Ntiense Jehovah isitieneke ibọ usọbọ nnan nnan sia ediwak owo ẹbọ, m̀mê ndibọ usọbọ ntre, idaha-da ikere. Edi mmọ ẹsinen̄ede ẹnam ndụn̄ọde ẹnyụn̄ ẹdụn̄ọde mme edumbet Bible n̄ko mbemiso ẹnamde ubiere.

Mme Ntiense Jehovah ẹnen̄ede ẹkop inemesịt ẹban̄a ọkpọsọn̄ utom ye n̄waidem emi mbiausọbọ ẹsinamde. Esinem mmọ esịt n̄ko nditiene mbọ usọbọ emi mbiausọbọ emi ẹnọde.