Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme  |  2009-11-01

Nsu 5: Mary Edi Eka Abasi

Nsu 5: Mary Edi Eka Abasi

Nsu emi ọkọtọn̄ọ didie?

“Ẹketọn̄ọ ndinen̄ede n̄kpono eka Abasi ke ini . . . mme okpono ndem ẹkebụn̄ọde ẹdụk ufọkabasi. . . . [Mme okpono ndem oro ẹkekabarede ẹdi mme Christian do] ẹma ẹnyenyene mbak Abasi ẹnyụn̄ ẹsituak ibuot ke ediwak tọsịn isua ẹnọ abasi-an̄wan emi ẹkekotde ‘akwa eka’ ye ‘edisana eyenan̄wan.’”—The New Encyclopædia Britannica (1988), Eboho 16, page 326 ye 327.

Bible ọdọhọ didie?

“Afo oyoyomo idịbi onyụn̄ aman eyeneren, ndien afo enyene ndisio enye enyịn̄ Jesus. Enye oyokpon, oyonyụn̄ ekere Eyen Ata Edikon̄. . . . Ke ntak oro n̄ko se idimanade edikere edisana, Eyen Abasi.”—Luke 1:31-35.

Ufan̄ikọ N̄wed Abasi oro owụt nnennen nnennen ke Mary ekedi eka “Eyen Abasi,” idịghe eka Abasi. Ndi idịbi Mary ekpekekem Owo emi ‘enyọn̄ ye ata enyọn̄ mîkemke’? (1 Ndidem 8:27) Mary ikọdọhọke ke imọ ikedi eka Abasi. Ukpepn̄kpọ Abasi-Ita-ke-Kiet mîyakke ẹfiọk owo emi Mary edide. Ndikot Mary Theotokos (ikọ Greek emi ọwọrọde “andiman Abasi”), m̀mê “Eka Abasi,” ke mbono oro ẹkenyenede ke Ephesus ke isua 431 E.N., akanam ẹtọn̄ọ ndituak ibuot nnọ Mary. Obio Ephesus oro ẹkenịmde mbono ufọkabasi emi ekedi akpan ebiet emi ẹkesikponode abasi-an̄wan Artemis emi ẹkedade nte abasi mbun̄wụm.

Ntre, ẹma ẹda ndusụk edinam utuakibuot Artemis emi “okotode ke heaven ọduọ ke isọn̄” ẹdibuak ye edituak ibuot nnọ Mary. (Utom 19:35) N̄kpọ en̄wen oro ẹkedade ẹdisịn ke ukpepn̄kpọ mme Christian ekedi ndisida mbiet Mary ye eke mbon en̄wen ntuak ibuot.

Men mme ufan̄ikọ Bible emi domo: Matthew 13:53-56; Mark 3:31-35; Luke 11:27, 28

AKPANIKỌ:

Mary ekedi eka Eyen Abasi, idịghe eka Abasi. Nsunsu ukpepn̄kpọ Abasi-Ita-ke-Kiet akanam ẹtọn̄ọ ndituak ibuot nnọ Mary nte Eka Abasi