Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme (Eke Ukpepn̄kpọ)  |  July 2015

Akai Biriya ke Galilee

Ndi Ama Ọfiọk?

Ndi Ama Ọfiọk?

Ndi akai ama awak ke Israel nte ẹtịn̄de ke Bible?

BIBLE ọdọhọ ke ndusụk itie ke Isọn̄ Un̄wọn̄ọ ekedi akai akai, ke eto ama “enen̄ede awak.” (1 Ndi. 10:27; Josh. 17:15, 18) Edi ke ini ndusụk owo ẹkụtde nte ata ediwak itie ke obio emi anade ukpọk, mmọ ẹkeme ndikere ke obio emi iketiehe nte Bible etịn̄de.

Akamba uyọ fig eto sycamore

N̄wed emi ekerede Life in Biblical Israel ọdọhọ ke “ikpọ akai ama awak ke Israel ke eset akan nte edide idahaemi.” Eto ofụm, ikpọ eto emi ẹkotde terebinth ye oak ẹma ẹdu do. Eto fig ama awak ke Shephelah ke n̄kan̄ emi ekperede obot kiet ye mbenesụk Mediterranean.

N̄wed emi ekerede Plants of the Bible ọdọhọ ke enyene ndusụk itie ke Israel emi eto ndomokiet mîdụhe aba idahaemi. Nso inam etie ntre? N̄wed oro ọdọhọ ke n̄kpọ emi ọkọtọn̄ọ sụn̄sụn̄, ke mme owo ẹma ẹwot akai ẹda ẹtọ in̄wan̄, ẹda ẹtọ mbiet ẹnọ ufene mmọ; ndusụk ẹkpok eto ẹda ẹbọp ufọk ẹnyụn̄ ẹda ẹbara ikan̄.