Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Enyọn̄-Ukpeme (Eke Ukpepn̄kpọ)  |  December 2013

Nte Afo Emeti?

Nte Afo Emeti?

Nte afo ama etịn̄ enyịn okot mme nsiondi Enyọn̄-Ukpeme eke ndondo emi? Ọfọn, se m̀mê emekeme ndibọrọ mme mbụme oro ẹtienede mi:

Ini ewe ke Jesus “ọkọkwọrọ ikọ ke ufọk-n̄kpọkọbi ọnọ mme spirit”? (1 Pet. 3:19)

Etie nte esisịt ini ke Jesus ama ekeset, ke enye ama etịn̄ ufen oro ndiọi spirit emi ẹdotde ndibọ ọnọ mmọ.6/15, page 23.

Nso idi mfịna ita emi esinamde ọsọn̄ owo emi afiakde ọdọ ndọ ndikop inem ndọ esie?

Mmọ ẹdi emi: ndidomo ndifre akpa ndọ mbufo edi ukemeke; ndineme nneme ye mme ufan fo emi mîmeheke ye obufa an̄wan fo; ndinyene mbuọtidem ke obufa an̄wan fo iditiehe nte akpa oro.7/1, page 9-10.

Ini ewe ke Jesus ebiere m̀mê owo edi erọn̄ m̀mê ebot? (Matt. 25:32)

Edidi ke ini Jesus edide ndibiere ikpe ke akwa ukụt, ke ẹma ẹkesobo nsunsu ido ukpono.7/15, page 6.

Ini ewe ke mme abiatibet oro ẹtịn̄de ẹban̄a ke uwụtn̄kpọ wheat ye mbiet ẹdita edet? (Matt. 13:36, 41, 42)

Mmọ ẹdita edet ke akwa ukụt ke ini mmọ ẹfiọkde ke idụhe nte mmimọ idibọhọde nsobo.7/15, page 13.

Ini ewe ke ikọ Jesus oro aban̄ade ofụn emi anamde akpanikọ onyụn̄ enyenede ọniọn̄ osu? (Matt. 24:45-47)

Ikọtọn̄ọke ndisu ke Pentecost 33 E.N., edi ọkọtọn̄ọ ndisu ke 1914 ama ekebe. Ke 1919, ẹma ẹmek ofụn oro ese aban̄a mbonufọk, emi esịnede kpukpru mme Christian emi ẹdiade udia eke spirit.7/15, page 21-23.

Ini ewe ke Jesus emek ofụn emi anamde akpanikọ ete ese aban̄a kpukpru inyene esie?

Oro edidi ke ini iso, ke akwa ukụt, ke ini emi ofụn emi anamde akpanikọ ọbọde utịp esie ke heaven.7/15, page 25.

Ndi Bible etre ndisiak enyịn̄ ndusụk owo ke ntak emi mmọ ẹkedide ndiọi owo m̀mê mîwọrọke n̄kpọ ndomokiet?

Ihih, idịghe ntre. Bible isiakke enyịn̄ ndusụk mbon oro ẹkedide nti owo ye ndusụk mbon oro ẹkedide ndiọi owo. (Ruth 4:1-3; Matt. 26:18) Mme anam-akpanikọ angel iba kpọt ke ẹsiak enyịn̄.8/1, page 10.

Ke adianade ye odudu Abasi, nso ikan̄wam Mme Ntiense Jehovah 230 ẹbọhọ anyan isan̄ emi mmọ ẹketọn̄ọde ke ufọk-n̄kpọkọbi Sachsenhausen ẹsan̄a?

Okposụkedi emi idem ekememde mmọ ke ntak ọbiọn̄ ye udọn̄ọ, mmọ ẹma ẹka iso ẹsịn udọn̄ ẹnọ kiet eken ndisan̄a.8/15, page 18.

Ntak emi mbụk emi aban̄ade nte nditọ Israel ẹkebede Akpa Jordan ẹdụk Isọn̄ Un̄wọn̄ọ esịnde udọn̄ ọnọ nnyịn?

Okposụkedi emi edịm akanamde mmọn̄ akpa oro ọtọ ọdọk obot, Jehovah ama anam mmọn̄ atuak ada man ikọt esie ẹbe. Anaedi oro ama anam mbuọtidem oro nditọ Israel ẹkenyenede ke Jehovah enen̄ede okpon, ndien mbụk oro ekeme ndinen̄ede nsịn udọn̄ nnọ nnyịn.9/15, page 16.

Nso ke Bible nditịn̄ n̄kpọ ndien ndien mban̄a uduot owụt?

Nte Bible etịn̄de aban̄a nsio nsio uduot owụt ke Abasi ọfiọk nte mme uduot ẹsitiede nnyịn ke idem ke ima ikụt mmọ ye nte ke nsio nsio uduot ẹsinam nnyịn iti n̄kpọ.10/1, page 14-15.

Didie ke ntịn̄nnịm ikọ Micah 5:5 emi aban̄ade mbọn̄ ye mme ekpemerọn̄ osu mfịn?

Imọfiọk ke ‘mme ekpemerọn̄ itiaba ye mbọn̄ itiaita’ oro ẹtịn̄de ẹban̄a ke Micah 5:5 ẹda ẹban̄a mbiowo esop, emi ẹsọn̄ọde ikọt Abasi idem man ẹben̄e idem ẹnọ en̄wan emi ẹdin̄wanade ye mmọ ke ini iso.11/15, page 20.

Nso idi ndusụk ntak emi ikpoyomde Abasi?

Abasi esinọ nnyịn ndausụn̄ onyụn̄ anam nnyịn idiọn̄ọ ntak emi ibọde ufen ntem. Enye esinyan̄a nnyịn onyụn̄ anam ikop inemesịt, enye oyonyụn̄ osu se enye on̄wọn̄ọde ke Ikọ esie man anam kpukpru emi.12/1, page 4-6.