Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Ẹdemede!  |  November 2015

 SE ITỊBEDE KE ERERIMBOT

Ubon

Ubon

Mme ubon ẹnyene ediwak mfịna, edi item Bible ekeme ndin̄wam mmọ ẹse ẹban̄a mfịna mmọ onyụn̄ an̄wam mmọ ẹkop inemesịt.

Africa

Esop Emi Esede Aban̄a Nsọn̄idem Ererimbot ẹdọhọ ke akpana mme eka ẹsitọn̄ọ ẹnọ nsekeyen mmọ eba mbemiso hour kiet ebe tọn̄ọ enye akamana ẹnyụn̄ ẹka iso ẹnọ enye eba kpọt ke ofụri ọfiọn̄ itiokiet. Kpa ye se ẹtịn̄de emi, n̄ka emi ẹkotde UNICEF Regional Nutrition Adviser for Eastern and Southern Africa ẹdọhọ ke mme anyamurua ẹsụk ẹkaka iso ẹbian̄a mme owo ẹte ke “ndinọ eyen udia atian onyụn̄ etie nte ndinọ enye eba.”

SE BIBLE ỌDỌHỌDE: “Ọkọi ọbuọt idem ke kpukpru ikọ, edi owo mbufiọk ekere ikpatisan̄ esie.”—Mme N̄ke 14:15.

Canada

Mme anam-ndụn̄ọde ke Montreal ẹdọhọ ke nditọ emi mme ete ye eka mmọ ẹkamade ke ọkpọsọn̄ ubọk ẹsikpon ubom ẹkan nditọ emi mme ete ye eka mmọ ẹmade ẹnyụn̄ ẹtụnọde ke usụn̄ oro ọfọnde.

NDI AMA ỌFIỌK? Bible ama etetịn̄ ata ediwak isua ke edem aban̄a mfọnn̄kan usụn̄ emi mme ete ye eka ẹkpebọkde nditọ mmọ.—Colossae 3:21.

Netherlands

Ndụn̄ọde oro ẹnamde ke Netherlands owụt ke mme ete ye eka emi mîsimenke utom iditie ke ufọk inam ẹsikpere nditọ mmọ ẹkan mbon oro ẹsimende utom ẹdinam ke ufọk. Ke uwụtn̄kpọ, mme ete ye eka ndidi ẹma ẹnyọn̄ utom ẹdi, mmọ ẹfiak ẹditie ke ufọk ẹkot owo ke fon ẹneme ẹban̄a utom isiyakke mmọ ẹnyene ini ẹnọ nditọ mmọ.

SE BIBLE ỌDỌHỌDE: “Ẹmenịm ini ẹnọ kpukpru n̄kpọ.”—Ecclesiastes 3:1.