Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Ẹdemede!  |  September 2015

 NDI ẸKEBOBOT?

Mban̄ Ofiom

Mban̄ Ofiom

KE OTU kpukpru unam oro ẹdude idahaemi, ofiom ọdiọk inua udom n̄kpọ akan. Ke uwụtn̄kpọ, enyene ofiom ke Australia emi ekemede ndidom n̄kpọ utịm ikata n̄kan ekpe. Kpa nte owo ekemede ndida nnuenubọk mfiọk se ededi oro enye otụkde, ntre ke mban̄ ofiom esinam enye ọfiọk se ededi oro otụkde enye mban̄. Edi enye esisọp ọfiọk ini n̄kpọ otụkde enye mban̄ akan nte owo adade nnuenubọk ọfiọk. Enye esisan̄a didie ọdiọn̄ọ ke n̄kpọ otụk imọ mban̄ ke ini edide ikpaidem esie etie n̄kpotụk n̄kpotụk?

Enyene mme n̄kpọ emi ẹdude ke mban̄ esie emi ẹsinamde enye ekeme ndifiọk se itụkde enye mban̄. Ke ataifiọk emi ekerede Duncan Leitch ama ekenen̄ede odụn̄ọde mme n̄kpọ emi, enye ọkọdọhọ ke nte mban̄ ofiom etiede esinam enye ekeme ndifiọk ini udia odụkde enye inua ye ini mbio odụkde. Emi n̄ko esinam eka ofiom akama eyen esie ke inua inyụn̄ iduehe idom enye iwot. Odudu ofiom esịne ke mban̄ esie, kpa mban̄ oro ke enye esida ọfiọk ini n̄kpọ otụkde enye.

Afo ekere didie? Ndi ofiom emi enyenede utọ mban̄ emi okofoforo? Mîdịghe ndi ẹkebobot enye?