Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Ẹdemede!  |  September 2015

 IBUOTIKỌ MAGAZINE EMI | NDI AMAYAK MFỊNA EMEN FI EMEN?

Se Akpanamde Mbak Mfịna Edimen Fi Emen

Se Akpanamde Mbak Mfịna Edimen Fi Emen

IDỤHE owo emi mînyeneke mfịna. Se isin̄wamde edi owo ndida uwem nte enye okụtde nnyụn̄ nnam ofụri se enye ekemede ndiyọ se iwọrọde enye. Edieke odomode ndiyọ mfịna fo, mûnyụn̄ uyakke enye emen fi emen, amanam ọfọn. Ndien edieke mfịna oro osụhọrede nte ini akade, oro ọfọn. Edi fiọk ete ke ọyọfọn ama ke ini iso.

Bible ọdọhọ ke ini ke edi emi uwem edinemde kpukpru owo sia owo ndomokiet idinyeneke aba mfịna. Mmọ ẹyedu uwem nte Abasi okoyomde ẹdu ke ini enye okobotde owo. Mmọ idinyeneke aba mfịna, mfụhọ, editịmede esịt, ye iyatesịt ẹdinyụn̄ idi n̄kpọ eset. (Isaiah 65:21, 22) Utọ uwem emi ke Bible okot “ata uwem.”1 Timothy 6:19.

“Mmọ ẹyebọp ufọk ẹnyụn̄ ẹdụn̄ ke esịt; mmọ ẹyenyụn̄ ẹtọ in̄wan̄ vine ẹnyụn̄ ẹdia mbun̄wụm mmọ. Mmọ idibọpke ndien owo en̄wen odụn̄; mmọ iditọhọ ndien owo en̄wen adia. Koro mme usen ikọt mi ẹdibiet mme usen eto; ndien ndimek ikọt mi ẹyedia ufọn utom ubọk mmọ ọyọhọ ọyọhọ.”Isaiah 65:21, 22.