Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Ẹdemede!  |  March 2015

 IBUOTIKỌ MAGAZINE EMI

Ndi Bible ke Enyenyene Ufọn?

Ndi Bible ke Enyenyene Ufọn?

“Akpa ini n̄kokopde ata inemesịt ekedi emi.”

HILTON ama ama utopita etieti. Etisịm ini enye edide isua itiaba, enye ama esin̄wana en̄wan ke itie utopita ye ke ebiet en̄wen ekededi. Ke ini enye akakade ufọkn̄wed sekọndri, enye ama esisan̄a ye mme ufan esie oyom eke enye amiade. Enye ọdọhọ ete: “Mma nsiyịp n̄kpọ, mbre mbre mfọniso, nse ndise idan̄, mbre iban ndisịme mbre, nsinyụn̄ nsụn̄i ete ye eka mi. Mma ndiọk tutu ete ye eka mi ẹkere ke ndikpụhọkede. Ke mma n̄kokụre ufọkn̄wed sekọndri, mma n̄kpọn̄ ufọk.”

Ke ini Hilton ọnyọn̄de edi ufọk ke isua 12 ama ekebe, se ete ye eka esie ẹkekụtde ama akpa mmọ idem! Enye ikan̄wanake aba en̄wan, edi esimụm idem akama ke ini n̄kpọ ayatde enye, onyụn̄ okpono owo. Nso ikanam enye okpụhọde ntem? Ke enye ama ọkọkpọn̄ ufọk, enye ama enen̄ede etie ekere utọ uwem emi imọ idude ye se emi edinamde imọ. Enye ama ekpep Bible n̄ko man ese m̀mê Bible ekeme ndin̄wam imọ ikpụhọde. Hilton ọdọhọ ete: “Mma nnam se n̄kekpepde ke Bible—n̄kpụhọde nte ndude uwem nnyụn̄ n̄kpono ete ye eka mi nte Ephesus 6:2, 3 ọdọhọde. Akpa ini n̄kokopde ata inemesịt ekedi emi, ndien mma nnam esịt enem ete ye eka mi utu ke ndinọ mmọ n̄kọn̄ibuot.”

Mbụk Hilton emi owụt ke Bible osụk enyenyene ufọn, onyụn̄ ekeme n̄ko ndinam owo okpụhọde. (Mme Hebrew 4:12) Bible ọdọhọ isitịn̄ akpanikọ, isimụm idem ikama ke ini n̄kpọ abiakde nnyịn, ikûsịn efịbe, inyụn̄ ima mme owo. Ẹyak ise nte ndinam se Bible ọdọhọde emi esinamde owo okop inem uwem.

Kpep N̄kpọ En̄wen

ẸDEMEDE!

Ntak Emi Bible Ọfọnde Akan Kpukpru N̄wed?

Nso ikanam owo osụk oyom ndikot m̀mê ndinyene Bible kpa ye emi ọdiọn̄ọde ke oro ekeme ndinam ẹwot imọ?