Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! MARCH 2015

 IBUOTIKỌ MAGAZINE EMI | NDI BIBLE KE ENYENYENE UFỌN?

Kpep Ndisimụm Idem N̄kama

Kpep Ndisimụm Idem N̄kama

SE BIBLE ETỊN̄DE: “Ndisịme owo owụt ofụri iyatesịt esie, edi owo ọniọn̄ omụm idem akama tutu esịm akpatre.”Mme N̄ke 29:11.

“Etie nte nset ke n̄kpa!”

UFỌN ORO IDIDIADE: Ndimụm idem n̄kama ke ini n̄kpọ abiakde nnyịn ọfọn tutu owo ikemeke ndibat ufọn esie mma. Ufọn kiet edi ke emi isiyakke owo ọsọp ọdọn̄ọ. Bible ọdọhọ ke “sụn̄sụn̄ esịt edi uwem obụkidem,” afiak ọdọhọ ke “esịt eke adarade ọkọk ubiak.” (Mme N̄ke 14:30; 17:22) Ndụn̄ọde oro ẹnamde owụt ke mbon oro ẹsisọpde iyatesịt ẹsinyụn̄ ẹsuade owo ẹsidọn̄ọ ediwak udọn̄ọ, akpan akpan udọn̄ọ esịt. Imọdiọn̄ọ ke ndimụm idem n̄kama isiyakke owo ọsọp ọdọn̄ọ, edi ufọn esie ikụreke ke emi.

Cassius, emi ebede isua 30, ọdọhọ ete: “N̄kesitie ikọ ikọ, nsọp iyatesịt, nnyụn̄ n̄n̄wana en̄wan ke ubọk ke ubọk. Mme owo ikadaha mi ke n̄kpọ. Edi kpukpru emi ama etre ke ini n̄kọtọn̄ọde ndinam se n̄kpepde ke Bible. Mma n̄kpep ndimụm idem n̄kama ke ini n̄kpọ ayatde mi, n̄kpep ndisụhọde idem nnyụn̄ mfen nnọ owo. Mîkpedịghe ntre, etie nte n̄kpodu ke ufọk-n̄kpọkọbi idahaemi. Ke nditịm ntịn̄, etie nte nset ke n̄kpa!”

Cassius ama ekpep ndisimụm idem n̄kama nnyụn̄ mfen nnọ owo

Kpep N̄kpọ En̄wen

Didie ke Mme Edumbet Bible Ẹn̄wam Nnyịn?

Jesus ama etịn̄ ntak emi iyomde ndausụn̄ onyụn̄ etịn̄ edumbet iba emi okponde akan.

Mme Ido Emi Ẹsinamde Uwem Enem

Ediwak owo ẹsidọhọ, ‘Nam se esịt fo ọdọhọde, kûbọrọ owo.’ Ndi utọ ekikere oro ọfọn? Se nte item Bible mîsikpaha mmọn̄.