Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! JULY 2014

Ọniọn̄ ke Ofiori—Ndi Omokop?

Ọniọn̄ ke Ofiori—Ndi Omokop?

“Nte ọniọn̄ ifiorike ikot, mbufiọk inyụn̄ isioroke uyo? Enye ada ke enyọn̄ edikon̄ ebiet, ke usụn̄, ke n̄wan̄a-usụn̄. . . . Enye ofiori ke ọkpọsọn̄ uyo ke mme usụn̄ inuaotop.”MME N̄KE 8:1-3.

ỌNIỌN̄ enyene ufọn etieti. Owo emi mînyeneke ọniọn̄ esinam ediwak ndudue. Edi m̀mọ̀n̄ ke owo ekeme ndikụt ata ọniọn̄? Andiwet n̄wed Mme N̄ke eketịn̄ aban̄a ọniọn̄ Andibot nnyịn emi mînyeneke mbiet. Ndien Abasi ada san̄asan̄a n̄wed, oro edi, Bible, anam kpukpru owo ẹkeme ndifiọk ọniọn̄ esie. Kere ban̄a se itienede emi:

  • The World Book Encyclopedia ọdọhọ ke Bible edi “n̄wed oro ẹkotde ẹkan ke ofụri emana. Ẹkabade enye ediwak ini ye ke ediwak usem ẹkan n̄wed efen ekededi.” Ẹkabade Bible idahaemi ubak ubak m̀mê ofụri ofụri ke n̄kpọ nte usem 2,600, ndien ekpere ndidi kpukpru owo ke ererimbot ẹnyene Bible.

  • Enyene usụn̄ en̄wen emi ‘ọniọn̄ ofioride.’ Matthew 24:14 ọdọhọ ke “ẹyenyụn̄ ẹkwọrọ eti mbụk obio ubọn̄ emi ke ofụri isọn̄ nte ntiense ẹnọ kpukpru mme idụt; ndien adan̄aoro ke utịt [ererimbot emi] edidi.”

“Eti mbụk” emi edi ata ọniọn̄ sia enye anam mme owo ẹfiọk nte Abasi edidade Obio Ubọn̄ esie ikọk mfịna ubonowo. Obio Ubọn̄ oro edi ukara Abasi; enye ikpọn̄ edikara ofụri isọn̄. (Daniel 2:44; 7:13, 14) Oro akanam Jesus Christ ọbọn̄ akam ete: “Yak obio ubọn̄ fo edi. Yak uduak fo ada itie, nte edide ke heaven, yak edi ke isọn̄ kpasụk ntre.”—Matthew 6:9, 10.

Mme Ntiense Jehovah ẹbat ke edi ata n̄kpọ ukpono ndikwọrọ etop Obio Ubọn̄ ke idụt 239! Ke akpanikọ, ọniọn̄ Abasi ke ‘ofiori ke inuaotop.’ Ndi omokop?