Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! MAY 2014

 IBUOTIKỌ IKPAEDEM | UFỌN UWEM EMI-E?

Ntak Ita Emi Anade Odu Uwem

Ntak Ita Emi Anade Odu Uwem

“Mbon nsụkidem ẹyeda isọn̄ ẹnyene, ediwak emem oyonyụn̄ adat mmọ esịt.”—PSALM 37:11.

Bible ọdọhọ ke uwem ‘ọyọhọ ye ukụt.’ (Job 14:1) Mfịn, idụhe eke afanikọn̄ mîsịmke. Edi ndusụk owo ẹsikere ke ufọn uwem mmimọ idụhe. Esitie mmọ nte ke eke mmimọ okụre. Ndi etie fi ntre n̄ko? Edieke edide ntre, diọn̄ọ ke Bible ọdọhọ ke n̄kpọ ọyọfọn ye afo onyụn̄ ọfọn ye kpukpru owo. Ke uwụtn̄kpọ:

  • Bible ọdọhọ ke Jehovah Abasi akaduak ata eti uwem ọnọ nnyịn.—Genesis 1:28.

  • Jehovah Abasi ọdọhọ ke iyanam isọn̄ emi edi Paradise.—Isaiah 65:21-25.

  • Se Abasi etịn̄de oyosu. Ediyarade 21:3, 4 ọdọhọ ete:

    “Ebietidụn̄ Abasi omodu ye owo, enye oyonyụn̄ odụn̄ ye mmọ, ndien mmọ ẹyedi ikọt esie. Abasi ke idemesie oyonyụn̄ odu ye mmọ. Ndien enye ọyọkwọhọde kpukpru mmọn̄eyet ke enyịn mmọ efep, n̄kpa idinyụn̄ idụhe aba, mfụhọ m̀mê ntuan̄a m̀mê ubiak idinyụn̄ idụhe aba. N̄kani n̄kpọ ẹma ẹbe ẹfep.”

Se ikotde oro edi ofụri akpanikọ. Jehovah Abasi aduak ndinam kpukpru oro. Ọdọn̄ enye ndinam oro, enye onyụn̄ enyene odudu ndinam. Se Bible etịn̄de emi eyetịbe. Bible etịn̄ n̄ko se idide ufọn uwem emi.

TI ete ke kpa ye oro ekikere ekemede nditịmede fi, se Bible etịn̄de ekeme ndin̄wam fi omụm idem akama.

SE AKPANAMDE: Kpep Bible man ọfiọk se enye etịn̄de aban̄a n̄kpọn̄. Mme Ntiense Jehovah ẹyekop inemesịt ndin̄wam fi. Afo emekeme ndikụt Mme Ntiense emi ẹdude ke edem mbufo mîdịghe aka ikpehe Intanet nnyịn emi, www.jw.org/efi. *

^ ikp. eki. 11 Nam emi ise: Ka www.jw.org/efi. Se ebiet emi okụtde: SE ẸDỌN̄DE > MME N̄WED INTANET. Da do taip “ọkpọsọn̄ mfụhọ” m̀mê “uwotidem” man okot n̄kpọ aban̄a se isụk inemede emi.

Kpep N̄kpọ En̄wen

Ntak Emi Ekpekpepde Bible?

Bible anam ediwak miliọn owo ke ofụri ererimbot ẹfiọk ibọrọ mbụme emi afịnade ata ediwak owo. Ndi akpama nditiene mfiọk?

Ndi Bible Ekeme Ndin̄wam Mi ke Ini Ọkpọsọn̄ Mfụhọ?

Odu n̄kpọ ita emi Abasi ọnọde man an̄wam nnyịn ke ini ọkpọsọn̄ mfụhọ.

Nso Idi Eti Mbụk?

Se se idide eti mbụk emi otode Abasi, ntak emi ikpọkwọrọde eti mbụk emi usọp usọp, se ikpanamde.