Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! MARCH 2014

Se Itịbede ke Ererimbot

Se Itịbede ke Ererimbot

United States

Magazine New York Times ọdọhọ ke owo emi ọn̄wọn̄de sika esinam okụk atak eteutom esie akan owo emi mîn̄wọn̄ke. Ke isua kiet kpọt, $5,816 esitak eteutom owo emi esin̄wọn̄de sika. Ndụn̄ọde emi ẹkenamde ke Ufọkn̄wed Ntaifiọk Ohio ọdọhọ ke ini emi ẹdade ẹn̄wọn̄ sika, okụk emi ẹdade ẹsọbọ ọn̄wọn̄ a-sika, ye mme usen emi enye afiakde utom anam okụk emi awak ntem. Efen edi ke ọn̄wọn̄ a-sika isinamke utom ọfọn, akpan akpan ke ini emi enye odomode nditre sika.

Italy

Pope Francis ọdọhọ ke nte mme pastọ ye mme aka ufọkabasi ẹdude uwem esịt iba iyakke mme owo ẹnen̄ede ẹnịm se ẹtịn̄de ke ufọkabasi.

Malaysia

Ukara Malaysia ẹmụm nsụn̄ikan̄ Togo iba emi ẹmende eto ẹka China. Ẹkemen n̄kpọ nte nnụkenen 1,000 ẹdịp ke eto emi. Ẹdọhọ ke tọn̄ọ ẹketọn̄ọ ndimụm mbon oro ẹdịbede ẹmen nnụkenen ẹka idụt en̄wen, ke akpa ẹbọde nnụkenen awak ntem edi emi.

Africa

Ke 2012, Esop Emi Esede Aban̄a Nsọn̄idem Ererimbot ọkọdọhọ ke mme utọ udọn̄ọ nte AIDS, utọrọ, utoenyịn, akpaikpai ikọn̄, ye udọn̄ọ nditọwọn̄ okowot mme owo akan isua oro.

Australia

Nditọwọn̄ ẹma mbre mfọniso emi ẹdọn̄de ke mme ọsọn̄urua fon ye kọmputa. Ẹsibre ndusụk mmọ nte ẹsinyụn̄ ẹbrede ata mbre mfọniso, edi isisọn̄ke ndidia. Ukara ẹdọhọ ke emi ekeme ndibiat nditọwọn̄ nnyụn̄ nnam mmọ ẹkere ke mbre mfọniso idiọkke. Emi n̄ko ekeme ndinam nditọwọn̄ emi ‘ẹda mbre mfọniso nte akpan utom ke mmọ ẹma ẹkpon owo.’