Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

ẸDEMEDE! JANUARY 2014

Ndi Emesidia “Usọrọ Kpukpru Ini”?

Ndi Emesidia “Usọrọ Kpukpru Ini”?

“Kpukpru usen owo ukụt ẹdọdiọk; edi owo inemesịt adia usọrọ kpukpru ini.”Mme N̄ke 15:15.

NSO ke emi ọwọrọ? Itien̄wed emi owụt nte owo ukụt ye owo inemesịt ẹsinamde n̄kpọ. “Owo ukụt” osụk ekere nte n̄kpọ ọdiọkde imọ, ndien emi isiyakke enye okop inemesịt. Edi “owo inemesịt” esidori enyịn ke n̄kpọ ọyọfọn, ndien emi esinam esịt enem enye, onyụn̄ etie nte enye “adia usọrọ kpukpru ini.”

Mfịna ererimbot emi etie nte edịm, ibọn̄ke ọkọm kiet. Edi enyene n̄kpọ emi ekemede ndisụk nnam nnyịn ikop inemesịt ekpedi mfịna nnyịn okpon nte okpokpon. Se se Bible etịn̄de mi.

  • Kûmen mfịna n̄kpọn̄ udûdian ye eke mfịn. Jesus Christ ọkọdọhọ ete: “Ẹkûtịmede esịt ẹban̄a n̄kpọn̄, koro n̄kpọn̄ eyenyene editịmede esịt esie. Afanikọn̄ usen ekem ye usen.”—Matthew 6:34.

  • Ini ekededi emi idem mînemke fi, tie kere mme n̄kpọ emi ẹsinamde fi okop inemesịt. Kûtie ukere se mûkanamke ọfọn. Utu ke oro, kpep n̄kpọ to mmọ. Nam nte awat o-moto emi otopde-top enyịn ese ukụtiso, edi isehe iwụhọ. Ti n̄ko ete ke Abasi ama efefen ọnọ owo, efen.—Psalm 130:4.

  • Ke ini etiede nte mfịna ọmọn̄ emen fi emen, tịn̄ nọ owo emi ekemede ndisọn̄ọ fi idem nnyụn̄ nnam esịt enem fi, idịghe owo nsahi emi mîyomke n̄kpọ ọfọn fi. Mme N̄ke 12:25 ọdọhọ ke ‘editịmede esịt esinam owo ofụhọ, edi eti ikọ anam owo adara.’ Owo mbufo m̀mê ufan emi ‘amade fi kpukpru ini’ ekeme nditịn̄ “eti ikọ” emi ọnọde fi inemesịt.—Mme N̄ke 17:17.

Nti ikọ emi ẹdude ke Bible anam ediwak owo ẹkop inemesịt kpa ye afanikọn̄ emi esịmde mmọ. Emi akpakam an̄wam fi nde!