Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! NOVEMBER 2013

 NDI ẸKEBOBOT?

Nte Ataktak Emi Esisan̄ade Okop N̄kpọ

Nte Ataktak Emi Esisan̄ade Okop N̄kpọ

UTỌN̄ ataktak emi ikponke nte mbara nsekeyen, edi enye ekpere ndisọp nte utọn̄ owo. Ataktak emi ekeme ndikop n̄kpọ ke ata anyan usụn̄. Ke uwụtn̄kpọ, enye ekeme ndida ke anyan usụn̄ n̄kop nte ataktak en̄wen ọfrọde ye nte n̄kpekpem efede ebịne udia.

Kere ise: Utọn̄ ataktak emi eyịre enye ke ukot. Enye esidiọn̄ọ ebiet emi uyom oro enye okopde otode ukem nte nnyịn isinyụn̄ idiọn̄ọde. Ntaifiọk ẹdikụt ata ekpri n̄kpọ emi etiede mmọn̄ mmọn̄ ke esịt utọn̄ ataktak emi. N̄kpọ emi esinam enye ọdiọn̄ọ m̀mê ataktak en̄wen anam uyom m̀mê n̄kpọ en̄wen anam. Enye esinyụn̄ anam enye ada okop n̄kpọ anyan usụn̄.

Daniel Robert emi edide prọfesọ ke Ufọkn̄wed Ntaifiọk Bristol ke United Kingdom ọdọhọ ke se mmimọ ikụtde ke utọn̄ ataktak emi ayanam ntaifiọk ẹsion̄o mbufa n̄kpọ ukopn̄kpọ emi akam ọfọnde akan se idude idahaemi. Emi eyenen̄ede an̄wam mbon oro mîkopke n̄kpọ ọfọn. Ntaifiọk ẹdọhọ ke emi oyonyụn̄ an̄wam mmimọ ision̄o nsio nsio n̄kpọ emi ẹdidade ẹnam utom ke ufọkibọk.

Afo ekere didie? Ndi ekere ke n̄kpọ okoforo ataktak emi esikopde n̄kpọ ntem? Mîdịghe ndi ẹkebobot enye?

UTỌN̄ ATAKTAK EMI