Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! JULY 2013

Se Itịbede ke Ererimbot

Se Itịbede ke Ererimbot

United States

Ke isua duop emi ẹbede, Itieutom Oro Ẹkpemede Mme Akaisan̄ ẹdọhọ ke ẹmụm n̄kpọmbet miliọn 50 ke an̄wa ubomofụm. Ke 2011 kpọt, ẹma ẹbọ se ibede ikan̄ 1,200 emi ẹkeyomde ndida ndụk ubomofụm. Ediwak mme andinyene ikan̄ oro ẹkedọhọ ke mmimọ iketịghi ke imakama ikan̄.

Brazil

Mme andikpep ẹtọn̄ọ ndidian n̄kpri kọmputa ke ọfọn̄ ufọkn̄wed nditọ ufọkn̄wed man mme ete ye eka ẹdiọn̄ọ m̀mê nditọ mmọ ẹkpọn̄ n̄wed emi ikọdọn̄de mmọ ẹka n̄kpọ en̄wen. Eyen ama esesịm ufọkn̄wed, kọmputa oro ọyọnọ ekpri etop ẹsọk ete esie ke fon. Edieke eyen oro edide n̄wed ke idiọk ini, kọmputa ọyọnọ etop n̄ko ẹsọk ete esie.

Norway

Ufọkabasi Lutheran idịghe aba ufọkabasi ukara. Akpa edi emi ukara Norway ẹdọhọde ẹbiat ibet emi akadiande ufọkabasi emi ye ukara.

Czech Republic

Ke ini ẹkebụpde mbonutom ke Czech Republic m̀mê mmọ ẹsinam utom ke ini mmọ ẹdude ke ufọk n̄ko, owo 2 ke otu owo 3 ẹkedọhọ ke imesitie ke ufọk ibọrọ ikot m̀mê etop ke fon ye ke e-mail iban̄a utom. Se ibede owo 10 ke otu owo 30 ẹdọhọ ke edieke mûnamke ntem, ọwọrọ ke udịghe eti owo utom.

India

Udia enen̄ede awak ke India ke se ibede isua 20 idahaemi. Edesi ye wheat emi mmọ ẹnyenede ẹkpere ndisịm ekpat biliọn kiet ye ubak. Kpa ye emi, idịghe kpukpru owo ke India ẹsidia udia ẹyụhọ. N̄kpọ nte mbahade iba kpọt ke otu kpukpru udia emi ke ẹsidia. Udia-inọ ye nte ẹbiatde udia iyakke udia ekem owo.