Ndi enyene ini emi emem edidude ke isọn̄ emi?

Didie ke ọkpọbọrọ?

  • Ih

  • Ihih

  • Ekeme ndidi

Se Bible ọdọhọde

Ke ini Jesus Christ edikarade isọn̄ emi, “ediwak emem oyodu tutu ọfiọn̄ idụhe aba”​—oro edi, ke nsinsi nsinsi.​—Psalm 72:7.

Nso en̄wen ke Bible ọdọhọ?

  • Ẹyesobo mme idiọkowo ẹfep ke isọn̄ emi, ndien nti owo ẹyekop inemesịt ẹnyụn̄ ẹdu ke emem.​—Psalm 37:​10, 11.

  • Abasi ayanam kpukpru ekọn̄ etre. ​—Psalm 46:​8, 9.

Ndi esịt ekeme ndina owo sụn̄ ke idiọk ererimbot emi?

Ndusụk owo ẹnịm . . . ke esịt ikemeke-keme ndina owo sụn̄ ke ererimbot emi ufen ye ukwan̄ikpe ọyọhọde mi. Afo ekere didie?

Se Bible ọdọhọde

Idem ke idiọk ererimbot emi, mbon oro ẹdide ufan Abasi ẹkeme ndinyene “emem Abasi emi akande kpukpru ekikere.”​—Philippi 4:​6, 7.

Nso en̄wen ke Bible ọdọhọ?

  • Abasi ọn̄wọn̄ọ ndinam ufen ye ukwan̄ikpe ẹtre, nnyụn̄ nnam “kpukpru n̄kpọ ẹdi mbufa.”​—Ediyarade 21:​4, 5.

  • Ndikpep Ikọ Abasi ayanam esịt ana nnyịn sụn̄.​—Matthew 5:3.