Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! NO. 5 2016

 SE ITỊBEDE KE ERERIMBOT

America

America

Se itịbede ke nsio nsio itie ke ererimbot owụt ke item Bible ke osụk enyenyene ufọn.

Ndise E-mail Ndien Ndien Esinam Esịt Etịmede Owo

Ndụn̄ọde oro ẹkenamde ke Vancouver ke Canada owụt ke esịt isitịmekede mbon emi ẹsisede e-mail imọ ikata ke usen nte esitịmerede mbon emi ẹsisede ke ubọk ke ubọk. Kostadin Kushlev, emi akadade usụn̄ ke ndụn̄ọde oro, ọdọhọ ke se mmimọ ikokụtde owụt ke esisọn̄ mme owo nditre ndise e-mail mmọ ndien ndien, edi nditre ndise akpakam ọfọn ye mmọ.

KERE ISE: Sia idude uwem ke “ndiọkeyo emi ọsọn̄de ndiyọ,” ndi ikpọfọnke ifep ndusụk n̄kpọ emi ẹkpetịmerede nnyịn esịt?—2 Timothy 3:1.

Se Ẹnamde Man Iyak Afiak Awak ke Mmọn̄

N̄ka emi ẹsikpemede mbak owo idiwot unam ye iyak ima ẹdọhọ ke ikpọ obu, n̄kọp, ye iyak ẹma ẹtọt ke mme ebiet emi ukara mîyakke mme owo ẹdụk ẹkọ n̄kpọ ke Belize ye mme ebiet en̄wen ke Caribbean. Mmọ ẹdọhọ ke esida isua kiet esịm isua itiokiet mbemiso ikpọ obu, n̄kọp, m̀mê iyak emi ẹma ẹkekọ ẹkpere ndikụre ẹfiak ẹwak ke mme ebiet emi owo mînyịmeke ẹkọ n̄kpọ aba. Edi ke esida ata ediwak isua mbemiso mme n̄kpọ emi ẹfiak ẹwak ke mmọn̄ nte ẹkesiwakde. Janet Gibson, akwaowo ke n̄ka emi, ọdọhọ ke nditre ndikọ n̄kpọ ke ndusụk ebiet ekeme ndinam iyak ye mme n̄kpọ eken ẹfiak ẹwak ke mmọn̄ ke Belize.

KERE ISE: Ndi Abasi emi okobotde mme n̄kpọ emi inyeneke ọniọn̄?—Psalm 104:24, 25.

Afai ke Brazil

Itie usuanetop kiet ke Brazil ẹdọhọ ke afai okpon etieti ke Brazil. Ke 2012, ẹma ẹwot se ibede owo 56,000, ndien ẹdọhọ ke idụhe isua emi ẹwotde owo awak ntem. Luís Sapori emi esinamde ndụn̄ọde aban̄a ubiatibet ọdọhọ ke ubiatibet anam ẹwot owo ntem, ndien ke ndusụk owo ẹsinam afai man ẹnyene se mmọ ẹyomde.

NDI AMA ỌFIỌK? Bible ama etetịn̄ ke “ima ediwak owo eyebịt,” ndien ke ubiatibet ọyọtọt.—Matthew 24:3, 12.