Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! NO. 5 2016

“Obufa N̄kpọ ke Ikpep Emi!”

“Obufa N̄kpọ ke Ikpep Emi!”

SOO-JEONG, emi edide andikpep ke ufọkn̄wed kiet ke South Korea, esida mme vidio emi ẹdude ke ikpehe Intanet jw.org ekpep nditọ ufọkn̄wed esie n̄kpọ. Enye ọdọhọ ete: “Nditọ emi ẹma ẹnen̄ede ẹma vidio Anie Edi Ata Ufan? Ke ẹma ẹkese vidio emi ẹma, mmọ ẹma ẹdọhọ ẹte: ‘Akanam nnyịn ifiọkke ke ata ufan ekpesitie ntem. Obufa n̄kpọ ke ikpep emi!’ Ndusụk mmọ ẹma ẹdọhọ ke iyesika ikpehe Intanet emi ini ekededi oro iyomde ndidiọn̄ọ se ikpanamde.” Soo-jeong afiak ọdọhọ ete: “Mmọdọhọ mme andikpep eken ẹsida vidio emi ẹkpep nditọwọn̄ n̄kpọ, ndien esịt esinem mmọ ndinam emi.”

Vidio en̄wen emi nditọ ufọkn̄wed ke South Korea ẹnen̄erede ẹma edi Nte Ekemede Ndikan Owo Mfiomo edi Un̄wanake-N̄wana. Akwa andikpep kiet emi esin̄wamde nditọwọn̄ ẹtre afai ama owụt nditọ ufọkn̄wed esie vidio emi. Enye ọkọdọhọ ete: “Ediwak nditọwọn̄ ẹma ẹnen̄ede ẹma vidio emi ke ntak ediwak ndise emi ẹdọn̄de. N̄kpọ en̄wen edi nte ke vidio emi owụt se owo akpanamde ke ini ẹfiomode enye ye nte owo ekpefepde mbon mfiomo.” Mmọ ẹma ẹbụp m̀mê mmimọ imekeme ndisida vidio emi n̄kpep nditọwọn̄ n̄kpọ ke ini mmọ ẹdude ke ufọkn̄wed primari ye sekọndri. Ẹma ẹnyịme mmọ ẹnam emi. Mme bodisi n̄ko ke ẹsise ẹnyụn̄ ẹwụt mme owo mme vidio emi ẹdude ke ikpehe Intanet jw.org.

Emekeme ndika n̄kese se idude ke ikpehe Intanet emi. Idisọn̄ke ndikụt se oyomde ke ikpehe Intanet emi, ndien kpukpru se edision̄ode do ẹdidi ke mfọn—edide ikwọ, vidio, n̄wed, m̀mê Bible.