Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

ẸDEMEDE! NO. 4 2016

 IBUOTIKỌ MAGAZINE EMI | NAM NTI N̄KPỌ EMEHE FI

1 Kûyom Ndinam Kpukpru N̄kpọ Ini Kiet

1 Kûyom Ndinam Kpukpru N̄kpọ Ini Kiet

Emekeme ndiyom ndida usen kiet n̄kpụhọde kpukpru n̄kpọ ke uwem fo, utọ nte nditre sika, nditre ndin̄wọn̄ọ n̄kpọ, ndisibak ndụk idap, nditọn̄ọ ndisisịn̄ede idem, nditọn̄ọ ndidia nti udia, ye nditọn̄ọ ndisikot ete-ete ye eka-eka fo ke ubọk ke ubọk. Edi edieke aduakde ndinam kpukpru n̄kpọ emi ini kiet, udûkemeke ndinam ndomokiet.

SE BIBLE ETỊN̄DE: “Ọniọn̄ odu ye mbon nsụkidem.”Mme N̄ke 11:2.

Owo nsụkidem ọdiọn̄ọ se enye ekemede ndinam ye se enye mîkemeke ndinam. Enye ọdiọn̄ọ ke imọ inyeneke ini, odudu, ye okụk ndinam kpukpru n̄kpọ oro ikpamade ndinam. Ntre, enye esikpụhọde n̄kpọ sụn̄sụn̄ utu ke ndikere ke imekeme ndida usen kiet n̄kpụhọde kpukpru n̄kpọ.

SE AKPANAMDE

Mek n̄kpọ kiet kiet emi aduakde ndinam. Emekeme ndinam emi:

  1. Nyene n̄wed emi ewetde nti n̄kpọ emi oyomde emehe fi ye ndiọi n̄kpọ emi oyomde nditre. Wet kpukpru se ekemede nditi.

  2. Bem iso wet mbon oro enen̄erede ada ke akpan n̄kpọ; wet mmọ ke adiana ke adiana.

  3. Mek n̄kpọ kiet m̀mê iba emi oyomde emehe fi m̀mê emi oyomde nditre. Ama anam enye emi ama, mek n̄kpọ en̄wen emi edinamde.

Bem iso nam nti n̄kpọ oro oyomde emehe fi. Edieke esịnde idem anam nti n̄kpọ, udûnyeneke ini unọ mme n̄kpọ oro oyomde nditre. Ke uwụtn̄kpọ, edieke ekewetde ke emesise TV akaha, onyụn̄ ewet ke akpama ndisikot mbon mbufo, ini ekededi oro ọnyọn̄de utom edi, bem iso nyene nneme ye ufan m̀mê iman fo utu ke ndisọsọp ndomo TV.

Edieke aduakde ndinam kpukpru n̄kpọ ini kiet, udûkemeke ndinam ndomokiet.