Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zephaniah 3;1-20

3  Mbọm an̄wan oro ọsọn̄de ibuot onyụn̄ asabarede idem, kpa obio ufịk!+  Enye ikokopke uyo;+ enye ikonyụn̄ ibọhọ ntụnọ.+ Enye ikọbuọtke idem ye Jehovah.+ Ikasan̄ake ikpere Abasi esie.+  Mbọn̄ esie emi ẹdude ke ufọt esie ẹkedi mme ekpe eke ẹkụnide.+ Mme ebiereikpe esie ẹkedi mme wolf emi ẹwọrọde ke mbubreyo emi mîtaha ọkpọ isịm usenubọk.+  Mme prọfet esie ẹkedi mbon emiom, mbon abian̄a.+ Mme oku esie ẹma ẹsabade se idide edisana; mmọ ẹma ẹbiat ibet.+  Jehovah ekedi edinen ke ufọt esie;+ enye ikanamke baba ukwan̄ido+ kiet. Kpukpru usenubọk enye ama anam ẹfiọk ubiereikpe esie.+ Ubiereikpe esie ikananake ke usiere.+ Edi anam-ukwan̄n̄kpọ ikenyeneke iso o-bụt.+  “Mma nsịbe mme idụt mfep; ẹma ẹwụri mme tọwa emi ẹdude ke inụk ibibene mmọ. Mma nsobo mme efak mmọ, ndien baba owo kiet eke asan̄ade ebe idụhe. Ẹma ẹnịm obio mmọ ke ndon, baba owo kiet ikodụhe ke esịt, andidụn̄ ndomokiet ikonyụn̄ idụhe.+  Mma ndọhọ, ‘Ke akpanikọ afo ayabak mi; afo ọyọbọ ntụnọ’;+ mbak ẹdisịbe ebietidụn̄ esie ẹfep+—nyokot enye edinam ibat aban̄a kpukpru oro.+ Ke akpanikọ, mmọ ẹsọp ndinam kpukpru edinam mmọ ẹdiọk.+  “‘Mmọdo ẹbet mi,’+ uyo Jehovah edi emi, ‘tutu esịm usen eke ndidahade nda ntan̄ mbụme,+ koro ubiereikpe mi edi nditan̄ mme idụt mbon ọtọkiet,+ nnyụn̄ ntan̄ mme obio ubọn̄ mbon ọtọkiet, man n̄n̄wan̄a mmọ ifụtesịt mi ke idem,+ ofụri ikan̄-ikan̄ iyatesịt mi; koro ikan̄ ifiopesịt mi ayata ofụri isọn̄.+  Koro ke ini oro nyanam mme owo ẹkpụhọ ẹsem edisana usem,+ man kpukpru mmọ ẹseme ẹkot enyịn̄ Jehovah,+ man ẹnam n̄kpọ esie ke esịt kiet.’+ 10  “Mbon oro ẹkpede mi ubọk, oro edi, eyenan̄wan ikọt mi oro ẹsuanade, ẹyeto mme edem akpa Ethiopia ẹda enọ ẹsọk mi.+ 11  Ke usen oro bụt idinamke fi iban̄a kpukpru n̄kpọ oro afo akanamde edue mi,+ koro ke ini oro nyosio ikọt fo emi ẹdarade iseri iseri mfep ke otu fo;+ ndien afo udutọn̄ọke aba ntak useri iseri ke edisana obot mi.+ 12  Ndien nyayak mbon nsụhọdeidem ye mmọ eke ẹtiede sụn̄sụn̄ ẹsụhọ ke otu fo,+ ndien mmọ ẹyenam enyịn̄ Jehovah edi ebiet ubọhọ mmọ.+ 13  Amaedi nsụhọ Israel,+ mmọ idinamke baba ukwan̄ido+ kiet, idisụhu nsu,+ owo idinyụn̄ ikwe edeme abian̄a ke inua mmọ;+ koro mmọ ẹyedia n̄kpọ ẹnyụn̄ ẹnyanade ẹna,+ ndien ididụhe owo eke edinamde mmọ ẹdịghe.”+ 14  O eyenan̄wan Zion, sio n̄kpo idara! O Israel, fiori ke idatesịt!+ O eyenan̄wan Jerusalem, dat esịt nyụn̄ dara ke ofụri esịt!+ 15  Jehovah emen ubiereikpe oro ẹkebierede ẹnọ fi efep.+ Enye emebịn asua fo efep.+ Jehovah, kpa edidem Israel, odu ke ufọt fo.+ Afo udufeheke aba ndịk afanikọn̄.+ 16  Ke usen oro ẹyedọhọ Jerusalem ẹte: “Kûfehe ndịk, O Zion.+ Kûyak ubọk emem fi.+ 17  Jehovah Abasi fo odu ke ufọt fo. Sia enye edide Ọkpọsọn̄ Abasi, enye ayanyan̄a fi.+ Enye ayadat esịt onyụn̄ adara aban̄a fi.+ Enye oyodop uyo ke ima esie. Enye ayadara aban̄a fi ye n̄kpo inemesịt. 18  “Nyatan̄ mbon oro ẹfụhọde+ ke ntak emi mîdụhe ke ini usọrọ fo mbon ọtọkiet;+ mmọ ikodụhe ye afo, sia ẹbiomde esuene ke ntak esie.+ 19  Sese ami mmọn̄ nnam n̄kpọ mban̄a kpukpru mbon oro ẹketụhọrede fi ke ini oro;+ ndien nyanyan̄a enye emi ọsọkde-sọk isan̄,+ nnyụn̄ nda enye emi ẹkebịnde ẹfep ndi.+ Ndien nyenịm mmọ nte itoro ye nte enyịn̄ ke kpukpru mme idụt oro ẹkesuenede mmọ. 20  Ke ini oro nyada mbufo ndụk ndi, kpa ke ini oro ntan̄de mbufo mbon ọtọkiet. Koro nyanam mbufo ẹdi enyịn̄ ye itoro ke otu kpukpru owo ke isọn̄, ke ini ndade ikọt mbufo oro ẹkemụmde nte mbuotekọn̄ mfiak nnyọn̄ ndi, mbufo ẹyekụt,” Jehovah ọdọhọ.+

Mme Ikọ Idakisọn̄