Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zephaniah 2;1-15

2  Ẹsop idem ọtọkiet, ih, ẹsop idem,+ O idụt emi mînyeneke iso o-bụt.+  Mbemiso ewụhọ amande n̄kpọ ekededi,+ mbemiso usen ebede nte mbio, mbemiso ikan̄-ikan̄ iyatesịt Jehovah esịmde mbufo,+ mbemiso usen iyatesịt Jehovah esịmde mbufo,+  ẹyom Jehovah,+ mbufo kpukpru sụn̄sụn̄ mbon isọn̄+ emi ẹnamde mme ubiereikpe Esie. Ẹyom edinen ido,+ ẹyom sụn̄sụn̄ ido.+ Ekeme ndidi+ ẹyedịp mbufo ke usen iyatesịt Jehovah.+  Koro, amaedi Gaza, enye ayakabade edi obio eke ẹwọrọde ẹkpọn̄;+ Ashkelon oyonyụn̄ ana ndon.+ Amaedi Ashdod,+ mmọ ẹyebịn enye ẹfep ke ufọt uwemeyo;+ onyụn̄ edi Ekron, ẹyedịbede enye ẹfep.+  “Mbọm mme andidụn̄ mbeninyan̄, kpa idụt mme Cherethite!+ Uyo Jehovah aban̄a mbufo. O Canaan, isọn̄ Philistia, nyosobo fi n̄ko tutu baba andidụn̄ kiet idụhe.+  Ndien mben inyan̄ ayakabade edi in̄wan̄ mbiet ufene,+ obube mmọn̄ mme ekpemerọn̄ ye itienna emi ẹbọpde ke itiat ẹnọ mme erọn̄ ẹyedu do.  Ndien enye ayakabade edi ikpehe oro nsụhọ ufọk Judah ẹdade ẹnyene.+ Do ke mmọ ẹdidia n̄kpọ. Mmọ ẹyenyanade ẹna ke mme ufọk Ashkelon ke mbubreyo. Koro Jehovah Abasi mmọ ọyọwọn̄ọde ntịn̄enyịn esie ọnọ mmọ+ onyụn̄ ada ikọt mmọ oro ẹkemụmde nte mbuotekọn̄ ọnyọn̄ edi.”+  “Mmokop esuene Moab+ ye ikọ isụn̄i nditọ Ammon,+ emi mmọ ẹdade ẹsuene ikọt mi ẹnyụn̄ ẹkohorede idem etieti ẹban̄a obio mmọ.  Mmọdo, ma uwem mi,”+ uyo Jehovah mme udịm, Abasi Israel, edi emi, “Moab ayakabade etie nte Sodom,+ nditọ Ammon+ ẹyenyụn̄ ẹtie nte Gomorrah, kpa ebiet emi ntán ẹyọhọde, ye nte obube inụn̄, ye ndon, ke nsinsi.+ Mbon oro ẹsụhọde ke otu ikọt mi ẹyebụme mmọ, mbon oro ẹsụhọde ke idụt mi ẹyenyụn̄ ẹda mmọ ẹnyene.+ 10  Emi ke mmọ ẹdida ẹnyene utu ke ntan̄idem mmọ,+ koro mmọ ẹma ẹsuene ẹnyụn̄ ẹnam n̄kpọ ke n̄kohodeidem ye ikọt Jehovah mme udịm.+ 11  Ndịk Jehovah ayanam mmọ;+ koro enye ayanam kpukpru mme abasi ke isọn̄ ẹfịmi,+ ndien mme owo ẹyenụhọ ẹnọ enye,+ owo kiet kiet ke itie esie, kpukpru isuo mme idụt.+ 12  “Mbufo n̄ko, mbon Ethiopia,+ akan̄kan̄ mi oyowot mbufo.+ 13  “Ndien enye ayanyan ubọk esie ke edem edere, oyonyụn̄ osobo Assyria.+ Ndien enye ayanam Nineveh edi ndon,+ kpa edisat ebiet nte wilderness. 14  Ndien otu ufene ẹyenyanade ẹna ke esịt esie, kpukpru mme unam ikọt ke idụt.+ Ikpan̄inyan̄ ye ebiọn̄+ ẹyena ke otu n̄wụre mbuot adaha+ esie ke okoneyo. Uyo ọyọkwọ ikwọ ke window. Nsobo oyodu ke asan̄udọk; koro enye oyofụhọde obukpọk emi ẹkedade ẹbana+ enye. 15  Emi edi obio idara oro eketiede ke ifụre,+ emi ọkọdọhọde ke esịt esie ete, ‘Ami-ami-ndu, owo en̄wen idụhe.’+ O kamse nte enye akabarede edi n̄kpọ n̄kpaidem, ebiet emi mme unam ikọt ẹsụhọrede ẹna! Kpukpru owo eke ẹsan̄ade ẹbe enye ẹyefri inụk; enye oyofụn̄ ubọk esie.”+

Mme Ikọ Idakisọn̄