Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Zephaniah 1;1-18

1  Emi edi uyo Jehovah oro ekesịmde Zephaniah eyen Cushi, eyen Gedaliah, eyen Amariah, eyen Hezekiah, ke eyo Josiah+ eyen Amon,+ edidem Judah:  “Ami nditreke ndisobo kpukpru n̄kpọ ke iso isọn̄ mfep,” uyo Jehovah edi emi.+  “Nyosobo owo ye unam mfep.+ Nyosobo edibotn̄kpọ emi efede ke enyọn̄ ye iyak ke inyan̄,+ ye mme n̄kpọ iduọ ọkọrọ ye mme idiọkowo;+ nyonyụn̄ nsịbe ubonowo ke iso isọn̄ mfep,”+ uyo Jehovah edi emi.  “Nyonyụn̄ nnyanade ubọk mi n̄n̄wana ye Judah ye kpukpru mme andidụn̄ Jerusalem,+ nyonyụn̄ nsịbe ikọt Baal+ emi ẹsụhọde mfep ke ebiet emi, enyịn̄ mme oku esen abasi ọkọrọ ye mme oku en̄wen,+  ye mmọ eke ẹnụhọde ke ọkọm ufọk ẹnọ mme udịm enyọn̄,+ ye mmọ eke ẹnụhọde,+ emi ẹn̄wọn̄ọde un̄wọn̄ọ ẹnọ Jehovah+ ẹnyụn̄ ẹn̄wọn̄ọde un̄wọn̄ọ ke enyịn̄ Malcam;+  ye mmọ eke ẹfiakde edem ẹtre nditiene Jehovah,+ emi mîyomke Jehovah mînyụn̄ ibụpke iban̄a enye.”+  Dop uyo ke iso Jehovah Akakan Ọbọn̄ Andikara;+ koro usen Jehovah emekpere,+ koro Jehovah emetịm uwa ndiwa;+ enye amanam mmọ emi enye okotde ẹsana.+  “Ndien ama ekem ke usen uwa Jehovah, nyetịn̄ enyịn nse mbọn̄, ye nditọ edidem,+ ye kpukpru mmọ eke ẹsịnede esen esen edisịnen̄kpọ.+  Ndien nyetịn̄ enyịn nse kpukpru owo eke ẹfrọde ẹdọk n̄kpoto ke usen oro, mmọ eke ẹdade afai ye abian̄a ẹyọhọ ufọk mme eteufọk mmọ.+ 10  Ndien ama ekem ke usen oro,” uyo Jehovah edi emi, “uyo mfiori oyoto Inuaotop Iyak,+ ntuan̄a oyonyụn̄ oto obufa ikpehe obio,+ ndien akwa uyom oyoto n̄kpri obot.+ 11  Mbufo mme andidụn̄ Maktesh ẹtuan̄a,+ koro ẹmesobo kpukpru mbonurua;+ ẹmesịbe kpukpru mbon oro ẹdomode silver ẹfep. 12  “Ndien ama ekem ke ini oro nyada utuenikan̄ ntịm ndụn̄ọde Jerusalem,+ nyonyụn̄ ntịn̄ enyịn nse mbon oro ẹtiede nte mmịn emi ntak eden̄ide ọdiọhọ,+ emi ẹnyụn̄ ẹdọhọde ke esịt mmọ ẹte, ‘Jehovah idinamke eti idinyụn̄ inamke idiọk.’+ 13  Ndien inyene mmọ ẹyekabade ẹdi n̄kpọ mbụme, mme ufọk mmọ ẹyenyụn̄ ẹna ndon.+ Ndien mmọ ẹyebọp ufọk, edi ididụn̄ke;+ mmọ ẹyenyụn̄ ẹtọ mme in̄wan̄ vine, edi idin̄wọn̄ke wine eke otode mmọ.+ 14  “Akwa usen+ Jehovah emekpere.+ Enye emekpere, oyonyụn̄ ọsọp etieti.+ Uyom usen Jehovah ododoro.+ Do ke ọkpọsọn̄ owo atua.+ 15  Usen oro edi usen ifụtesịt, usen nnanenyịn ye ndutụhọ,+ usen oyobio ye nsobo, usen ekịm ye n̄kụteyo,+ usen obubịt enyọn̄ ye ọkpọsọn̄ ekịm, 16  usen uyom nnụk ye n̄kpo ekọn̄,+ emi ẹn̄wanade ye mme obio ibibene ye mme edikon̄ tọwa oro ẹdude ke inụk ibibene.+ 17  Ndien nyanam nnanenyịn esịm ubonowo, mmọ ẹyenyụn̄ ẹsan̄a nte nnan;+ koro mmọ ẹnamde idiọk ẹdue Jehovah.+ Ndien ẹyeduọk iyịp mmọ nte ntọn̄,+ ye nsia mmọ nte ifuọ.+ 18  Silver mmọ m̀mê gold mmọ idikemeke ndinyan̄a mmọ ke usen ifụtesịt Jehovah;+ edi ikan̄ ifiopesịt esie ayata ofụri isọn̄,+ koro enye ayada nsobo, ata idiọk nsobo, osobo kpukpru mme andidụn̄ isọn̄.”+

Mme Ikọ Idakisọn̄