Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 9;1-17

9  Etop:+ “Uyo Jehovah aban̄a isọn̄ Hadrach, enye onyụn̄ ebehe Damascus;+ koro Jehovah owụk enyịn ese owo+ ye kpukpru esien Israel.  Ndien Hamath+ eyenyene adan̄a ye enye; Tyre+ ye Sidon,+ koro enye enyenede ọniọn̄ etieti.+  Ndien Tyre ọbọp ibibene ukpeme ọnọ idemesie, onyụn̄ obon silver nte ntan ye gold nte mbat ke efak.+  Sese! Jehovah eyebịn enye efep, enye oyowot udịmekọn̄ esie ọdọn̄ ke inyan̄;+ ẹyenyụn̄ ẹsobo enye ke ikan̄.+  Ashkelon oyokụt onyụn̄ okop ndịk; ndien amaedi Gaza, enye n̄ko oyokop ọkpọsọn̄ ubiak; Ekron+ n̄ko, koro se enye okodoride enyịn+ ayadia bụt. Ndien edidem ayatak ke Gaza, owo idinyụn̄ idụn̄ke ke Ashkelon.+  Ndien eyen akpara+ eyetie ke Ashdod,+ nyonyụn̄ nsịbe ntan̄idem mbon Philistia+ mfep.  Ndien nyosio n̄kpọ emi iyịp odude mfep ke inua esie nnyụn̄ nsio mbubiam n̄kpọ esie mfep ke edet esie,+ ndien ẹyeyak enye osụhọ ọnọ Abasi nnyịn; ndien enye ayakabade etie nte ọbọn̄+ ke Judah,+ Ekron oyonyụn̄ etie nte mbon Jebus.+  Ndien nyanam nna ke ufọk mi nte eke mbonekọn̄ ukpeme,+ mbak baba owo kiet edisan̄a ebe edinyụn̄ asan̄a ọwọrọ; eteutom idinyụn̄ isan̄ake aba ibe ke ufọt mmọ,+ koro mmada enyịn mi n̄kụt enye ke emi.+  “O eyenan̄wan Zion,+ dara etieti. Sio n̄kpo idara,+ O eyenan̄wan Jerusalem. Sese! Edidem+ fo ke edi ke ọtọ fo.+ Enye edi edinen owo emi ẹnyan̄ade;+ osụhọde idem,+ onyụn̄ awat ke ass, ke unam emi okponde ọwọrọ, kpa eyen uman ass.+ 10  Ndien nyesịbe chariot ekọn̄ mfep ke Ephraim ye enan̄-mbakara ke Jerusalem.+ Nyonyụn̄ nsịbe utịgha ekọn̄+ mfep. Ndien enye ayatan̄a emem ọnọ mme idụt;+ ndien ukara esie ọyọtọn̄ọ ke inyan̄ kiet tutu esịm inyan̄ en̄wen onyụn̄ ọtọn̄ọ ke Akpa* tutu esịm utịt isọn̄.+ 11  “Amaedi afo, O n̄wan, iyịp ediomi+ fo ayanam mi nsion̄o mbon n̄kpọkọbi+ fo mfep ke obube oro mmọn̄ mîdụhe. 12  “Mbufo mbon n̄kpọkọbi oro ẹnyenede idotenyịn,+ ẹfiak ẹnyọn̄ọ ẹka ọkpọsọn̄ ebiet.+ “N̄ko, ndọhọ fi mfịn emi nte, ‘O n̄wan, nyanam udeme fo awak utịm ikaba.+ 13  Koro nyedịghi Judah nte utịgha mi. Nyanam Ephraim etie nte idan̄ ke utịgha, nyonyụn̄ ndemede nditọ fo,+ O Zion, nnam ẹn̄wana ye nditọ fo, O Greece,+ nyanam fi etie nte akan̄kan̄ ọkpọsọn̄ owo.’+ 14  Ndien ẹyekụt ke Jehovah odu ye mmọ,+ idan̄ esie ọyọwọrọ aka nte emịnen̄mịnen̄.+ Ndien Jehovah Akakan Ọbọn̄ Andikara eyefri nnụk,+ enye oyonyụn̄ asan̄a ke ofụm usụk.+ 15  Jehovah mme udịm eyekpeme mmọ, ndien mmọ ẹyesobo+ ẹnyụn̄ ẹkan itiat-utop. Ndien mmọ ẹyen̄wọn̄+ n̄kpọ—ẹnyụn̄ ẹyomo uyom—nte n̄kpọ eke mmọ ẹn̄wọn̄de wine; ndien mmọ ẹyeyọhọ nte usan, ye nte mme inụk itieuwa.+ 16  “Ndien Jehovah Abasi mmọ ayanyan̄a ikọt esie+ ke usen oro nte otu ufene;+ koro mmọ ẹditiede nte mme itiat anyanya emi ẹsemde ke isọn̄ esie.+ 17  Eti ido esie okpon adan̄a didie,+ uyai esie onyụn̄ okpon adan̄a didie!+ Wheat* edinam n̄kparawa owo ẹkọri, obufa wine edinyụn̄ enịm nditọiban uwem.”+

Mme Ikọ Idakisọn̄

Oro edi, “Euphrates.”
Mîdịghe, emi ekeme ndidi “barley.”