Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Zechariah 8;1-23

8  Ndien uyo Jehovah mme udịm ọtọn̄ọ ntak ọdọhọ ete:  “Ntem ke Jehovah mme udịm+ ọdọhọ ete, ‘Nyefịbe akwa ufụp mban̄a Zion,+ nyonyụn̄ nda akwa ifiopesịt+ mfịbe ufụp mban̄a enye.’”  “Ntem ke Jehovah ọdọhọ ete, ‘Nyafiak ntiene Zion+ nnyụn̄ ndụn̄ ke Jerusalem;+ ndien ẹyekot Jerusalem obio akpanikọ,+ ẹnyụn̄ ẹkot obot Jehovah+ mme udịm, edisana obot.’”+  “Ntem ke Jehovah mme udịm ọdọhọ ete, ‘N̄kani iren ye n̄kani iban ẹyetọn̄ọ ntak ẹtie ke mme an̄wa obio Jerusalem,+ owo mmọ kiet kiet ayakama esan̄+ esie ke ntak emi enye odude uwem ediwak usen.  Ndien nditọiren ye nditọiban ẹyeyọhọ mme an̄wa obio ẹnyụn̄ ẹbre mbre ke mme an̄wa obio esie.’”+  “Ntem ke Jehovah mme udịm ọdọhọ ete, ‘Okposụkedi editiede nte ata ọkpọsọn̄ n̄kpọ ke enyịn mbon oro ẹsụhọde ke otu mmọ emi ke mme usen oro, nte editie nte ata ọkpọsọn̄ n̄kpọ n̄ko ke enyịn mi?’+ uyo Jehovah mme udịm edi emi.”  “Ntem ke Jehovah mme udịm ọdọhọ ete, ‘Sese ami mmọn̄ nnyan̄a ikọt mi nsio ke idụt edem usiahautịn ye ke idụt edem usoputịn.+  Ndien nyada mmọ ndi, mmọ ẹyenyụn̄ ẹdụn̄ ke ufọt Jerusalem;+ ndien mmọ ẹyekabade ẹdi ikọt mi,+ ami nyonyụn̄ n̄kabade ndi Abasi mmọ ke akpanikọ ye ke edinen ido.’”+  “Ntem ke Jehovah mme udịm ọdọhọ ete, ‘Mbufo ẹsọn̄ ubọk,+ mbufo emi ẹkopde ikọ emi ke inua mme prọfet+ ke mme usen emi, ke usen emi ẹkesịnde itiat idakisọn̄ ufọk Jehovah mme udịm, man ẹbọp temple.+ 10  Koro mbemiso mme usen oro owo ikọnọhọ ubonowo utịp utom mmọ;+ amaedi utịp utom mme ufene, utọ n̄kpọ oro ikodụhe; ndien owo emi ọwọrọde ye owo emi odụkde ikenyeneke emem ke ntak asua,+ sia n̄kanamde kpukpru ubonowo ẹn̄wana ye kiet eken.’+ 11  “‘Ndien ke emi nditiehe ye mbon oro ẹsụhọde ke otu mmọ emi nte n̄ketiede ke mme usen emi ẹkebede,’+ uyo Jehovah mme udịm edi emi. 12  ‘Koro mfri emem oyodu;+ vine oyon̄wụm mfri esie,+ isọn̄ n̄ko oyon̄wụm mbun̄wụm,+ ikpaenyọn̄ oyonyụn̄ ọnọ mbara esie;+ ndien nyanam mbon oro ẹsụhọde+ ke otu mmọ emi ẹda kpukpru n̄kpọ emi ẹnyene.+ 13  Ndien ama ekem, O ufọk Judah ye ufọk Israel,+ kpa nte mbufo ẹkedide isụn̄i ke otu mme idụt,+ kpa ntre ke ndinyan̄a mbufo, ndien mbufo ẹyekabade ẹdi edidiọn̄.+ Ẹkûfehe ndịk.+ Ẹsọn̄ ubọk.’+ 14  “Koro ntem ke Jehovah mme udịm ọdọhọ ete, ‘“Kpa nte n̄kaduakde ndinam mbufo idiọk ke ntak emi mme ete ete mbufo ẹkeyatde mi esịt,”+ Jehovah mme udịm ọdọhọ, “ndien ntuaha n̄kpọfiọk,+ 15  kpa ntre ke ndifiak nduak ke mme usen emi ndifọn ido ye Jerusalem ye ufọk Judah.+ Ẹkûfehe ndịk.”’+ 16  “‘Mme n̄kpọ emi ke mbufo ẹdinam:+ Ẹtịn̄ akpanikọ ẹnọ kiet eken.+ Ẹkpe ikpe mbufo ke akpanikọ ye ke emem ke mme inuaotop mbufo.+ 17  Ẹkûduak ke esịt mbufo ndinam kiet eken ibak,+ ẹkûnyụn̄ ẹma un̄wọn̄ọ nsu;+ koro nsasua kpukpru n̄kpọ emi,’+ uyo Jehovah edi emi.” 18  Ndien uyo Jehovah mme udịm ọtọn̄ọ ntak esịm mi ete: 19  “Ntem ke Jehovah mme udịm ọdọhọ ete, ‘Utreudia ọyọhọ ọfiọn̄ inan̄,+ ye utreudia ọyọhọ ọfiọn̄ ition,+ ye utreudia ọyọhọ ọfiọn̄ itiaba,+ ye utreudia ọyọhọ ọfiọn̄ duop+ ẹyekabade ẹdi mme ini idara ye akwa inemesịt ye nti ini usọrọ ẹnọ ufọk Judah.+ Ntre ẹma akpanikọ ye emem.’+ 20  “Ntem ke Jehovah mme udịm ọdọhọ ete, ‘Mme owo ye mme andidụn̄ ediwak obio ẹyedi;+ 21  ndien mme andidụn̄ obio kiet ẹyeka ẹkedọhọ mme andidụn̄ obio en̄wen, ẹte: “Ẹyak nnyịn ikûtre ndika+ n̄kekpe Jehovah ubọk+ nnyụn̄ nyom Jehovah mme udịm. Ami n̄ko nyaka.”+ 22  Ndien ediwak owo ye n̄kpọsọn̄ idụt ẹyedi ẹdiyom Jehovah mme udịm ke Jerusalem+ ẹnyụn̄ ẹkpe Jehovah ubọk.’ 23  “Ntem ke Jehovah mme udịm ọdọhọ ete, ‘Ke mme usen oro owo duop eke ẹtode ke kpukpru usem mme idụt+ ẹyemụm,+ ih, mmọ ẹyemụm utọn̄ ọfọn̄ owo kiet emi edide eyen Jew,+ ẹte: “Nnyịn iyetiene mbufo ika,+ koro imokop ite ke Abasi odu ye mbufo.”’”+

Mme Ikọ Idakisọn̄