Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 7;1-14

7  Ekem ke ọyọhọ isua inan̄ emi Darius+ edidem akarade, uyo Jehovah ọtọn̄ọ ntak esịm Zechariah, ke ọyọhọ usen inan̄ ke ọyọhọ ọfiọn̄ usụkkiet, oro edi ke Chislev.+  Ndien Bethel ọdọn̄ Sharezer ye Regem-melech ye ikọt esie ete ẹkekpe Jehovah ubọk,+  onyụn̄ ọdọhọ mme oku+ ufọk Jehovah mme udịm ye mme prọfet ete: “Nte nyosụk ntua ke ọyọhọ ọfiọn̄ ition+ nnyụn̄ ntre udia, kpa nte nnamde ediwak isua emi?”+  Ndien uyo Jehovah mme udịm ọtọn̄ọ ntak esịm mi ete:  “Dọhọ kpukpru mbio obio ye mme oku ete, ‘Ke ini mbufo ẹketrede udia,+ ntuan̄a okonyụn̄ odude ke ọyọhọ ọfiọn̄ ition ye ke ọyọhọ ọfiọn̄ itiaba,+ ke isua ata ye duop,+ nte mbufo ẹketre udia ẹnọ mi?+  Ndien ke ini mbufo ẹkediade n̄kpọ ye ke ini mbufo ẹken̄wọn̄de n̄kpọ, nte idịghe mbufo ẹkedia n̄kpọ, nte inyụn̄ idịghe mbufo ẹken̄wọn̄ n̄kpọ?  Nte mbufo ikpokopke ikọ+ emi Jehovah akadade mme prọfet emi ẹkebemde iso ẹdu etịn̄,+ ke adan̄aemi mme owo ẹdụn̄de ke Jerusalem, enye onyụn̄ odude ke ifụre, ye mme obio esie emi ẹkande enye ẹkụk, ye ke adan̄aemi mme owo ẹdụn̄de ke Negeb+ ye Shephelah?’”+  Ndien uyo Jehovah ọtọn̄ọ ntak esịm Zechariah ete:  “Ntem ke Jehovah mme udịm ọdọhọ ete, ‘Ẹkpe unenikpe;+ ẹnyụn̄ ẹwụt kiet eken ima-mfọnido+ ye mbọm;+ 10  ẹkûtụk ebeakpa+ m̀mê eyenakpa,+ ẹkûnyụn̄ ẹtụk esenowo+ m̀mê owo ukụt,+ ẹkûnyụn̄ ẹduak idiọk ke esịt mbufo ẹban̄a kiet eken.’+ 11  Edi mmọ ẹsịn ndikpan̄ utọn̄,+ mmọ ẹnyụn̄ ẹsọn̄ ibuot+ ẹnyụn̄ ẹnam utọn̄ mmọ ẹdobi mbak ẹdikop.+ 12  Ndien mmọ ẹnam esịt+ mmọ ọsọn̄ nte itiat mbak mmọ ẹdinịm ibet,+ ẹdinyụn̄ ẹnam mme ikọ oro Jehovah mme udịm akadade spirit+ esie ọnọ ebe ke mme prọfet+ oro ẹkebemde iso ẹdu; tutu Jehovah mme udịm ayat esịt ata etieti.”+ 13  “‘Mmọdo kpa nte enye okokotde ndien mmọ ikopke,+ kpa ntre ke mmọ ẹdikot ndien ami ndikopke,’+ Jehovah mme udịm ọdọhọ. 14  ‘Ndien ami nsuan mmọ nte oyobio ndọn̄ ke kpukpru mme idụt+ emi mmọ mîkọfiọkke;+ ndien mmọ ẹkpọn̄ isọn̄ mmọ ẹnịm ndon, baba owo kiet isan̄ake ibe inyụn̄ ifiakke inyọn̄ ika do;+ ndien mmọ ẹnam eti isọn̄+ emi akabade edi n̄kpọ n̄kpaidem.’”

Mme Ikọ Idakisọn̄