Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 6;1-15

6  Ekem mfiak mmenede enyịn n̄kụt; ndien sese! chariot inan̄ ẹto ufọt obot iba ẹwọn̄ọ ẹdi, mme obot oro ẹkenyụn̄ ẹdi mme obot okpoho.  Ndatndat enan̄-mbakara+ ẹdụri akpa chariot; mbubịt enan̄-mbakara+ ẹnyụn̄ ẹdụri ọyọhọ chariot iba.  Mfia enan̄-mbakara ẹdụri ọyọhọ chariot ita;+ ndien ntọi-ntọi ye n̄kem-n̄kem enan̄-mbakara ẹnyụn̄ ẹdụri ọyọhọ chariot inan̄.+  Ndien mbụp angel emi ekenemede nneme ye ami nte: “Ọbọn̄ mi, mmọ emi ẹdi nso?”+  Ndien angel oro ọbọrọ mi ete: “Mmọ emi ẹdi spirit inan̄+ ke heaven emi ẹwọrọde ẹka+ ke ẹma ẹkeda ke itie mmọ ke iso Ọbọn̄+ ofụri isọn̄.+  Amaedi enye emi mbubịt enan̄-mbakara ẹdụride, mmọ ẹwọrọ ẹka isọn̄ edem edere;+ ndien amaedi mfia oro, mmọ ẹnyene ndiwọrọ n̄ka n̄kan̄ edem inyan̄; ndien amaedi mme ntọi-ntọi oro, mmọ ẹnyene ndiwọrọ n̄ka isọn̄ edem usụk.+  Ndien amaedi mbon oro ẹdide n̄kem-n̄kem,+ mmọ ẹnyene ndiwọrọ n̄ka n̄koyom ebiet eke mmọ ẹdikade, man ẹsan̄a ẹkanade isọn̄.”+ Ekem enye ọdọhọ ete: “Ẹka, ẹkesan̄a ẹkanade isọn̄.” Ndien mmọ ẹtọn̄ọ ndisan̄a n̄kanade isọn̄.  Ndien enye ofiori okot mi onyụn̄ ọdọhọ mi ete: “Sese, mbon oro ẹwọrọde ẹka isọn̄ edem edere ẹdi mbon oro ẹsụkde spirit+ Jehovah ẹnịm ke isọn̄ edem edere.”+  Ndien uyo Jehovah ọtọn̄ọ ntak esịm mi ete: 10  “Yak ẹbọ mbon ntan̄mfep n̄kpọ,+ ẹnyụn̄ ẹbọ Heldai ye Tobijah ye Jedaiah; ndien afo oyodụk edi ke usen oro, afo ayasan̄a ye mbon oro ẹtode Babylon ẹdi odụk ufọk Josiah eyen Zephaniah.+ 11  Ndien afo enyene ndida silver ye gold nnam ediye anyanya+ nyara Joshua,+ eyen Jehozadak, akwa oku ke ibuot. 12  Ndien dọhọ enye ete, “‘Jehovah mme udịm ọdọhọ ntem ete: “Sese owo+ emi enyịn̄ esie edide Nsehe.+ Ndien enye oyodu ke ebiet esie esehe, enye oyonyụn̄ ọbọp temple Jehovah.+ 13  Ndien enye edibọp temple Jehovah, enye n̄ko edidia uku;+ ndien enye oyosụhọde etie onyụn̄ akara ke ebekpo esie, oyonyụn̄ akabade edi oku ke ebekpo esie,+ ndien item emem+ oyodu ke ufọt mmọ mbiba. 14  Ndien ediye anyanya edinyene Helem ye Tobijah ye Jedaiah+ ye Hen eyen Zephaniah nte n̄kpọ editi+ ke temple Jehovah. 15  Ndien mbon oro ẹdude ẹyom usụn̄ ẹyedi ẹdibọp temple Jehovah.”+ Mbufo ẹyenyụn̄ ẹfiọk ẹte ke Jehovah mme udịm ọdọn̄ mi ntiene mbufo.+ Ndien emi eyetịbe—edieke mbufo mîditreke ndikop uyo Jehovah Abasi mbufo.’”+

Mme Ikọ Idakisọn̄