Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Zechariah 4;1-14

4  Ndien angel oro ekenemede nneme ye ami afiak edi edidemede mi, nte owo oro ẹnamde edemede ke idap.+  Ekem enye obụp mi ete: “Nso ke afo okụt?”+ Ndien mbọrọ nte: “Sese! Mmokụt uwụk utuenikan̄ oro ẹnamde ke gold,+ usan onyụn̄ odu ke enyọn̄ esie. Ndien utuenikan̄ itiaba ẹdu ke enyọn̄ esie, kpa utuenikan̄ itiaba;+ ndien mme utuenikan̄ oro ẹdude ke enyọn̄ esie ẹnyene ekwa itiaba.  Eto olive iba ẹnyụn̄ ẹdu ẹkpere enye,+ kiet ke n̄kan̄ nnasia usan oro, enye eken ke ufien.”  Ndien ami mbụp angel oro ekenemede nneme ye ami nte: “Ọbọn̄ mi, nso ke mme n̄kpọ emi ẹda ẹban̄a?”+  Ntre angel oro ekenemede nneme ye ami obụp mi ete: “Nte ufiọkke se mme n̄kpọ emi ẹdade ẹban̄a?” Ndien mbọrọ nte: “Baba-o, ọbọn̄ mi.”+  Ndien enye ọdọhọ mi ete: “Ntem ke Jehovah ọdọhọ Zerubbabel ete: ‘“Itoho ke udịmekọn̄,+ inyụn̄ itoho ke odudu,+ edi oto spirit mi,”+ Jehovah mme udịm ọdọhọ.  Afo edi anie, O akamba obot?+ Afo ayakabade unaisọn̄ ke iso Zerubbabel.+ Ndien enye ayada itiat ibuot edi.+ Ndien ẹyesio n̄kpo+ idara ẹban̄a enye ẹte: “Eye didie ntem! Eye didie ntem!”’”+  Ndien uyo Jehovah ọtọn̄ọ ntak esịm mi ete:  “Ubọk Zerubbabel esịn itiat idakisọn̄ ufọk emi,+ ubọk esie edinyụn̄ okụre enye.+ Ndien mbufo ẹyefiọk ẹte ke edi Jehovah mme udịm ọdọn̄ mi ntiene mbufo.+ 10  Koro anie owo esịn usen n̄kpri n̄kpọ ke ndek?+ Ndien mmọ ẹyedara+ ẹnyụn̄ ẹkụt urụk udomon̄kpọ ke ubọk Zerubbabel. Mbitiaba emi ẹdi enyịn Jehovah.+ Mmọ ke ẹse ẹkanade ofụri isọn̄.”+ 11  Ndien ami mbụp enye nte: “Eto olive iba oro ẹdude ke n̄kan̄ nnasia uwụk utuenikan̄ ye ke ufien esie ẹda ẹban̄a nso?”+ 12  Ekem mbụp enye ọyọhọ utịm ikaba nte: “Etuek etuek n̄kọk eto olive iba oro aran gold otode ọwọrọ odụk ekwa gold iba oro, ẹdi nso?” 13  Ntre enye obụp mi ete: “Nte ufiọkke se mme n̄kpọ emi ẹdade ẹban̄a?” Ndien mbọrọ nte: “Baba-o, ọbọn̄ mi.”+ 14  Ndien enye ọdọhọ mi ete: “Mmọ ẹdi owo iba emi ẹyetde aran+ emi ẹdade ẹkpere Ọbọn̄ ofụri isọn̄.”+

Mme Ikọ Idakisọn̄