Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 3;1-10

3  Ndien enye owụt mi Joshua+ akwa oku nte adade angel Jehovah ke iso, ye nte Satan+ adade enye ke ubọk nnasia man ọbiọn̄ọ+ enye.  Ekem angel+ Jehovah ọdọhọ Satan ete: “O Satan, Jehovah akpakam asua ọnọ fi,+ ih, Jehovah emi emekde Jerusalem, akpakam asua ọnọ fi!+ Nte emi idịghe ifia oro ẹdabarede ẹsio ke ikan̄?”+  Ndien amaedi Joshua, enye ekesịne ndedehe ọfọn̄+ ada angel oro ke iso.  Ekem enye ọdọhọ mbon oro ẹdade enye ke iso ete: “Ẹsio enye ndedehe ọfọn̄ oro ke idem efep.” Ndien angel oro ọdọhọ enye ete: “Sese, mmemen ndudue fo mfep,+ ndien ẹyesịn fi ewụra akpan edinam.”+  Ndien ndọhọ nte: “Yak ẹbọp enye mbọbọ ibuot oro asanade.”+ Ndien mmọ ẹbọp enye mbọbọ ibuot oro asanade ẹnyụn̄ ẹsịne enye ọfọn̄; angel Jehovah onyụn̄ ada ekpere.  Ndien angel Jehovah oro ọdọhọ Joshua ete:  “Ntem ke Jehovah mme udịm ọdọhọ ete, ‘Edieke afo edisan̄ade ke usụn̄ mi, edinyụn̄ enịmde mme ewụhọ mi,+ do afo eyekpe ikpe ufọk+ mi onyụn̄ ekpeme okụre mi; ndien ami nditreke ndinọ fi ifet ndidu ke otu mmọ emi ẹdade mi.’  “‘O Joshua akwa oku, mbọk kop, afo ye mme nsan̄a fo emi ẹtiede fi ke iso, koro mmọ ẹdide idiọn̄ọ;+ koro sese mmọn̄ nda asan̄autom mi,+ emi enyịn̄ esie edide Nsehe,+ ndụk ndi!  Koro, sese! itiat+ oro nnịmde ke iso Joshua! Enyịn itiaba+ ẹdu ke itiat oro. Sese ami mmọn̄ n̄kap n̄kpọ ke enye,’+ uyo Jehovah mme udịm edi emi, ‘nyonyụn̄ mmen ndudue idụt oro mfep ke usen kiet.’+   10  “‘Ke usen oro, mbufo ẹyetie ke idak vine ye ke idak eto fig ẹkot kiet eken,’”+ uyo Jehovah mme udịm edi emi.

Mme Ikọ Idakisọn̄