Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 14;1-21

14  “Sese! Usen ke edi, emi enyenede Jehovah,+ ndien ẹyedeme mbụme fo ke esịt fo.  Ndien nyosop kpukpru mme idụt ẹdi ekọn̄ ye Jerusalem;+ ẹyenyụn̄ ẹkan obio oro+ ẹnyụn̄ ẹbụme mme ufọk, ẹyenyụn̄ ẹdan̄ iban ke n̄kanubọk.+ Ndien ubak obio ẹyeka ntan̄mfep;+ edi amaedi mbon oro ẹsụhọde,+ owo idisịbeke mmọ ifep ke obio.+  “Ndien Jehovah ọyọwọrọ aka ekọn̄ ye mme idụt+ oro nte edide ke usen emi enye an̄wanade ekọn̄, ke usen en̄wan.+  Ndien ke usen oro, ukot esie ayada ke obot eto olive emi asakde iso ese Jerusalem, ke edem usiahautịn;+ ndien obot eto olive+ ayasiaha ke ufọt,+ ọtọn̄ọde ke edem usiahautịn tutu esịm edem usoputịn. Ata akamba itịghede oyodu; ndien ẹyesịk ubak obot oro ẹka edem edere, ẹnyụn̄ ẹsịk ubak eken ẹka edem usụk.  Ndien mbufo ẹyefen̄e ẹka itịghede obot mi;+ koro itịghede obot emi eyesịm Azel. Ndien mbufo ẹyefen̄e kpa nte ẹkefen̄ede ke ntak unyekisọn̄ oro eketịbede ke eyo Uzziah edidem Judah.+ Ndien Jehovah Abasi mi eyedi,+ kpukpru ndisana owo ẹyedu ye enye.+  “Ndien ama ekem ke usen oro, ọsọn̄urua un̄wana ididụhe+—mme n̄kpọ ẹyeboho.+  Ndien usen kiet oyodu emi ẹfiọkde ke enyene Jehovah.+ Enye ididịghe uwemeyo, idinyụn̄ idịghe okoneyo;+ ndien ama ekem, un̄wana oyodu ke mbubreyo.+  Ndien ama ekem ke usen oro, odu-uwem mmọn̄+ oyoto Jerusalem ewet ọwọrọ,+ ubak eyewet odụk inyan̄ edem usiahautịn+ ndien ubak eken eyewet odụk inyan̄ edem usoputịn.+ Emi editịbe ke ndaeyo ye ke ini etuep.+  Ndien Jehovah ayakabade edi edidem ke ofụri isọn̄.+ Ke usen oro Jehovah edidi kiet,+ enyịn̄ esie onyụn̄ edi kiet.+ 10  “Ofụri isọn̄ oyokpụhọde nte Arabah,+ ọtọn̄ọde ke Geba+ tutu esịm Rimmon+ ke edem usụk Jerusalem; ndien enye ayadaha ada onyụn̄ odụn̄ ke ebiet esie,+ ọtọn̄ọde ke Inuaotop Benjamin+ tutu esịm Akpa Inuaotop, onyụn̄ ebe esịm Inuaotop Inụk, onyụn̄ ọtọn̄ọde ke Tọwa Hananel+ tutu esịm itie unịm wine edidem. 11  Ndien mme owo ẹyedụn̄ ke esịt esie; owo iditọn̄ọke aba ntak idian̄ade enye inịm inọ nsobo,+ ndien ẹyedụn̄ ke Jerusalem ke ifụre.+ 12  “Ndien emi edidi ufen oro Jehovah edimiade kpukpru mbon oro ẹdin̄wanade ekọn̄ ye Jerusalem:+ Ke adan̄aemi owo osụk adade ke ikpat esie, obụkidem esie eyeyemede;+ ndien enyịn eyeyemede owo ke efọk, edeme oyonyụn̄ eyemede owo ke inua. 13  “Ndien ama ekem ke usen oro, Jehovah eyesịn akwa ndutịme ke otu mmọ;+ ndien owo oyomụm ubọk nsan̄a esie, ndien ubọk esie ayan̄wana ye ubọk nsan̄a esie. 14  Ndien n̄ko Judah ayan̄wana ekọn̄ ke Jerusalem; ẹyenyụn̄ ẹtan̄ inyene kpukpru mme idụt oro ẹkande ẹkụk, ata ediwak gold ye silver ye ọfọn̄.+ 15  “Ufen enan̄-mbakara ye mule ye camel ye ayara ass ye kpukpru orụk ufene emi ẹdude ke mme itienna, editie nte ufen emi. 16  “Ndien ama ekem, kpukpru owo eke ẹsụhọde ke otu kpukpru mme idụt oro ẹdide ndin̄wana ye Jerusalem,+ ẹnyene ndidọk kpukpru isua+ n̄ka n̄konụhọ nnọ Edidem,+ kpa Jehovah mme udịm,+ nnyụn̄ nnịm usọrọ mme ataya.+ 17  Ndien ama ekem, owo ekededi eke mîtoho ke mme ubon+ ke isọn̄ idọk idi+ Jerusalem idinụhọ inọ Edidem, kpa Jehovah mme udịm, edịm ididepke inọ mmọ.+ 18  Ndien edieke ubon ke Egypt mîdọkke idi mînyụn̄ idụkke, baba edịm kiet ididepke inọ mmọ. Ufen emi Jehovah amiade mme idụt oro mîdọkke idinịm usọrọ mme ataya eyesịm mmọ. 19  Emi edidi ufen idiọkn̄kpọ Egypt ye idiọkn̄kpọ kpukpru mme idụt oro mîdọkke idinịm usọrọ mme ataya.+ 20  “Ke usen oro, ẹyewet ‘Jehovah edi edisana!’+ ke mme n̄kanika enan̄-mbakara. Ndien mme an̄wan̄a-inua eso utemudia+ ke ufọk Jehovah ẹyekabade ẹtie nte mme usan+ emi ẹdude ke iso itieuwa.+ 21  Ndien kpukpru mme an̄wan̄a-inua eso utemudia ke Jerusalem ye ke Judah ẹyekabade ẹdi ndisana n̄kpọ emi enyenede Jehovah mme udịm, ndien kpukpru mbon oro ẹwade uwa ẹyedụk ẹdisio n̄kpọ ke esịt mmọ ẹnyụn̄ ẹtem n̄kpọ ke mmọ.+ Ndien owo Canaan+ ididụhe aba ke ufọk Jehovah mme udịm ke usen oro.”+

Mme Ikọ Idakisọn̄