Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 12;1-14

12  Etop: “Uyo Jehovah emi aban̄a Israel.” Emi edi uyo Jehovah, kpa Enye emi anyanarede ikpaenyọn̄+ enịm onyụn̄ esịnde itiat idakisọn̄ ọnọ isọn̄+ onyụn̄ obotde ibifịk+ uwem emi odude owo ke idem.  “Sese ami mmọn̄ nnam Jerusalem+ edi usan emi anamde kpukpru owo oro ẹdude ẹkan ẹkụk ẹten̄ ẹsan̄a;+ ndien enye eyedi edikan Judah okụk, onyụn̄ akan Jerusalem n̄ko okụk.+  Ndien ama ekem ke usen+ oro nyanam Jerusalem edi ndodobi itiat+ ọnọ kpukpru owo. Kpukpru owo eke ẹmenerede itiat oro, itiat oro iditreke ndiwai mmọ idem idiọk idiọk; kpukpru mme idụt isọn̄ ẹyenyụn̄ ẹsop idem ẹn̄wana ye enye.+  Ke usen oro,”+ uyo Jehovah edi emi, “nyesịn kpukpru mme enan̄-mbakara+ ke ndutịme nnyụn̄ nnam mme andiwat ẹdama idat;+ nyatat enyịn+ mi nse ufọk Judah, nnyụn̄ nnam kpukpru mme enan̄-mbakara mme owo ẹdi nnan.  Ndien mbọn̄+ Judah ẹyedọhọ ke esịt mmọ ẹte, ‘Mme andidụn̄ Jerusalem ẹdi odudu nnyịn eke otode Jehovah mme udịm, Abasi mmọ.’+  Ke usen oro nyanam mbọn̄ Judah ẹbiet eso ikan̄ ke otu mme eto+ ye nsadan̄ emi asakde ikan̄ ke otu ebek obufa wheat emi ẹkpen̄ede,+ ndien mmọ ẹyeta kpukpru owo emi ẹdude ẹkan ẹkụk ke nnasia ye ke ufien;+ ndien Jerusalem oyosụk odụn̄ ke ebiet esie, ke Jerusalem.+  “Ndien Jehovah eyebem iso anyan̄a mme tent Judah, mbak uyai ufọk David ye uyai mme andidụn̄ Jerusalem edikpon ekan eke Judah.  Ke usen oro Jehovah eyedi ọkọ ukpeme akan mme andidụn̄ Jerusalem okụk;+ ndien owo eke atuakde ukot ọduọ ke otu mmọ ke usen oro eyebiet David,+ ndien ufọk David ẹyebiet Abasi,+ ẹbiet angel Jehovah ke iso mmọ.+  Ndien ama ekem ke usen oro, nyebiere ndisobo kpukpru mme idụt oro ẹdide ndin̄wana ye Jerusalem.+ 10  “Ndien nyan̄wan̄a spirit mfọn+ ye eseme+ mfụk ufọk David ye mme andidụn̄ Jerusalem, ndien mmọ ẹyese Enye emi mmọ ẹkekịmde,+ ndien mmọ ẹyeseme ẹban̄a Enye nte emi owo esemede ikpọn̄-ikpọn̄ eyen esie; ẹnyụn̄ ẹseme ọkpọsọn̄ ẹban̄a enye nte emi ẹsemede ọkpọsọn̄ ẹban̄a akpan.+ 11  Ke usen oro, ntuan̄a oyokpon ke Jerusalem, nte ntuan̄a Hadadrimmon ke unaisọn̄ itịghede Megiddo.+ 12  Ndien isọn̄ ayatua,+ ubon kiet kiet; ubon ufọk David, ye iban mmọ;+ ubon ufọk Nathan,+ ye iban mmọ; 13  ubon ufọk Levi,+ ye iban mmọ; ubon ufọk Shimei,+ ye iban mmọ; 14  kpukpru ubon oro ẹsụhọde, ubon kiet kiet, ye iban mmọ.+

Mme Ikọ Idakisọn̄