Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 11;1-17

11  “O Lebanon,+ berede mme usụn̄ fo, man ikan̄ ata mme cedar fo.+  O eto juniper, tua koro cedar ọmọduọ; koro ẹmebiat ikpọ eto!+ Mbufo ikpọ eto Bashan, ẹtuan̄a, koro nsesịre akai amabiara!+  Ẹkop! Ntuan̄a mme ekpemerọn̄,+ koro ẹmebiat ubọn̄ mmọ.+ Ẹkop! N̄kụni abak nyara ekpe, koro ẹmebiat ọtọwọk ikọt oro aban̄de ke mben Jordan.+  “Ntem ke Jehovah Abasi mi ọdọhọ ete, ‘Bọk mme ufene emi ẹdiwotde,+  emi mme andidep ẹwotde+ edi owo ibiomke mmọ ikpe.+ Ndien mbon oro ẹnyamde+ mmọ ẹdọhọ ẹte: “Yak ekọm enyene Jehovah, koro nyenyene n̄kpọ.”+ Ndien mme ekpemerọn̄ mmọ ituaha mmọ mbọm.’+  “‘Koro ndituaha aba mme andidụn̄ isọn̄ mbọm,’+ uyo Jehovah edi emi. ‘Koro sese, mmọn̄ nnam mme owo ẹduọ ẹdụk ubọk nsan̄a+ mmọ ye ubọk edidem mmọ;+ ndien mmọ ẹyesobo isọn̄, ami ndinyụn̄ nnyan̄ake baba owo kiet nsio mmọ ke ubọk.’”+  Ndien ami mbọk mme ufene+ emi ẹdiwotde,+ nnọ mbufo, O mbufo mbon ukụt ke otu ufene.+ Ndien ami nda esan̄ iba.+ N̄kot kiet Uyai,+ nnyụn̄ n̄kot enye eken Ubọp-n̄kpọ,+ nnyụn̄ mbọk mme ufene.  Ndien ke akpatre nsio mme ekpemerọn̄ ita mfep ke ọfiọn̄ enyọn̄ kiet,+ sia ukpọn̄ mi mîkemeke ndiyọ mmọ aba,+ ukpọn̄ mmọ n̄ko onyụn̄ asua mi.  Ekem ndọhọ nte: “Ndibọkke mbufo aba.+ Yak enye emi oyomde ndikpa, akpa. Yak ẹnyụn̄ ẹsobo enye emi ẹyomde ndisobo.+ Ndien amaedi mbon oro ẹsụhọde, yak mmọ ẹta obụkidem nsan̄a mmọ.”+ 10  Ndien nda esan̄ mi emi edide Uyai+ nsịbe mbio mbio,+ man mbiat ediomi mi oro n̄kodiomide ye kpukpru owo.+ 11  Ndien enye abiara ke usen oro, mbon ukụt ke otu ufene+ emi ẹkesụk ẹsede+ mi ẹda emi ẹfiọk ete ke edi uyo Jehovah. 12  Ekem ndọhọ mmọ nte: “Edieke ọfọnde mbufo ke enyịn,+ ẹnọ mi utịp mi; edi edieke mîfọnke, ẹkpọn̄ idem.” Ndien mmọ ẹnọ mi utịp mi, mbak silver edịp ye duop.+ 13  Ntem Jehovah ọdọhọ mi ete: “Top mmọ dọn̄ ke itie ubonn̄kpọ+—akwa ekọmurua emi ọfọnde mmọ ke enyịn ndinyam mi.”+ Ndien ami nda mbak silver edịp ye duop oro n̄kotop ndọn̄ ke itie ubonn̄kpọ ke ufọk Jehovah.+ 14  Ekem nsịbe ọyọhọ esan̄ mi iba, emi edide Ubọp-n̄kpọ+ mbio mbio, man mbiat itie iman+ emi odude ke ufọt Judah ye Israel.+ 15  Ndien Jehovah ọdọhọ mi ete: “Ke emi da n̄kpọutom ndisịme ekpemerọn̄.+ 16  Koro sese ami mmọn̄ nnam ekpemerọn̄ adaha ada ke isọn̄.+ Enye ididọn̄ke enyịn ke erọn̄ oro ẹyomde ndisobo mfep.+ Enye idiyomke eyenerọn̄, idinyụn̄ ikọkke erọn̄ eke obụn̄ọde.+ Enye idinyụn̄ iyomke udia inọ enye emi ọsọn̄ọde ada, edi ayata obụk enye emi enyenede isek,+ onyụn̄ ọfọrọde mme nnụkikpat erọn̄.+ 17  Mbọm ekpemerọn̄ mi eke mînyeneke ufọn,+ emi adahade ọkpọn̄ mme ufene!+ Akan̄kan̄ eyekpi enye ubọk onyụn̄ ekịm enye enyịn nnasia. Ubọk esie iditreke ndikpa,+ enyịn nnasia esie idinyụn̄ itreke ndikịm.”

Mme Ikọ Idakisọn̄