Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Zechariah 10;1-12

10  “Mbufo ẹben̄e Jehovah ẹte anam edịm+ edep ke ini utọ,+ ẹben̄e Jehovah emi anamde obubịt enyọn̄,+ onyụn̄ anamde ọkpọsọn̄ edịm edep ọnọ mme owo,+ anam edịm edep ọduọhọ ke ikọn̄ udia owo kiet kiet ke in̄wan̄.+  Koro mme teraphim+ ẹtịn̄de se idiọkde; mbiaidiọn̄ ẹnyụn̄ ẹkụt nsunsu n̄kukụt+ ẹnyụn̄ ẹtịn̄ ndap eke mînyeneke ufọn, ẹnyụn̄ ẹdọn̄ mme owo esịt ke ikpîkpu.+ Ntak edi oro mmọ ẹdidahade nte otu ufene;+ ẹyekụt ukụt, koro ekpemerọn̄ mîdụhe.+  “Mmayat esịt etieti ye mme ekpemerọn̄,+ nyonyụn̄ n̄kot mme adausụn̄ emi ẹbietde ebot+ ẹdinam ibat;+ koro Jehovah mme udịm ọmọwọn̄ọde ntịn̄enyịn esie ọnọ otu ufene esie,+ kpa ufọk Judah, omonyụn̄ anam mmọ ẹbiet enan̄-mbakara+ esie emi etiede uku uku ke ekọn̄.  Etubom oto enye ọwọrọ,+ andikara emi ọnọde un̄wam oto enye ọwọrọ,+ utịgha ekọn̄ onyụn̄ oto enye ọwọrọ;+ mme eteutom ẹnyụn̄ ẹto enye ẹwọrọ,+ kpukpru mmọ.  Ndien mmọ ẹyebiet n̄kpọsọn̄ owo+ emi ẹdịghide mbat efak ke ekọn̄.+ Mmọ ẹyenyụn̄ ẹn̄wana ekọn̄, koro Jehovah odude ye mmọ;+ ndien mme awat enan̄-mbakara ẹyedia bụt.+  Ndien nyanam ufọk Judah ọsọn̄ idem, nyonyụn̄ nnyan̄a ufọk Joseph.+ Ndien nyọnọ mmọ ebietidụn̄, koro nyatua mmọ mbọm;+ ndien mmọ ẹyetie nte mbon oro mmen̄kebịnke mfep;+ koro ami ndide Jehovah Abasi mmọ, ndien nyeyere mmọ.+  Ndien mbon Ephraim ẹyekabade ẹtie nte ọkpọsọn̄ owo,+ esịt ayadat mmọ nte n̄kpọ eke mmọ ẹn̄wọn̄de wine.+ Nditọ mmọ ẹyekụt ẹnyụn̄ ẹdara;+ mmọ ẹyedat esịt ke Jehovah.+  “‘Nyefri inụk+ n̄kot mmọ nnyụn̄ ntan̄ mmọ mbon ọtọkiet; koro nditreke ndifak+ mmọ, mmọ ẹyenyụn̄ ẹwak, kpa nte mme owo emi ẹkewakde.+  Ndien nyasuan mmọ nte n̄kpasịp ke otu mme owo,+ mmọ ẹyenyụn̄ ẹdu ke anyan ebiet ẹti mi;+ ndien mmọ ye nditọ mmọ ẹyekop nsọn̄idem ẹnyụn̄ ẹfiak ẹnyọn̄ ẹdi.+ 10  Ndien nyosion̄o mmọ ke isọn̄ Egypt nda nnyọn̄ ndi;+ nyonyụn̄ nsion̄o mmọ ke Assyria mbon ọtọkiet;+ nyada mmọ ndi isọn̄ Gilead+ ye Lebanon, ufan̄ idinyụn̄ idụhe inọ mmọ.+ 11  Ndien nyasan̄a mbe inyan̄ emi nnanenyịn esịmde;+ nyonyụn̄ nnam mbufụt+ inyan̄ osụhọde, kpukpru mme udem Nile ẹyenyụn̄ ẹsat.+ Ndien nyosụhọde ntan̄idem Assyria nnịm,+ esan̄ ubọn̄+ Egypt oyonyụn̄ adaha.+ 12  Ndien nyanam mmọ ẹsọn̄ idem ke Jehovah,+ mmọ ẹyenyụn̄ ẹsan̄a ke enyịn̄ esie,’+ uyo Jehovah edi emi.”

Mme Ikọ Idakisọn̄