Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Zechariah 1;1-21

1  Ke ọyọhọ ọfiọn̄ itiaita, ke ọyọhọ isua iba emi Darius+ akarade, uyo Jehovah esịm Zechariah+ eyen Berechiah eyen Iddo,+ prọfet, ete:  “Jehovah ama ayat esịt ye mme ete mbufo—ayat esịt ata etieti.+  “Ndien dọhọ mmọ ete, ‘Ntem ke Jehovah mme udịm ọdọhọ ete: “‘Ẹfiak ẹtiene mi,’+ uyo Jehovah mme udịm edi emi, ‘ndien ami nyafiak ntiene mbufo,’+ Jehovah mme udịm ọdọhọ.”’  “‘Ẹkûbiet mme ete mbufo+ emi mme prọfet oro ẹkebemde iso ẹdu ẹkekotde,+ ẹnyụn̄ ẹdọhọde ẹte: “Jehovah mme udịm ọdọhọ ntem ete, ‘Mbọk, ẹfiak edem ẹkpọn̄ mme idiọk usụn̄ mbufo ye mme idiọk edinam mbufo.’”’+ “‘Edi mmọ ikopke, inyụn̄ ikpan̄ke utọn̄ inọ mi,’+ uyo Jehovah edi emi.  “‘Mme ete mbufo ẹdu m̀mọ̀n̄?+ Nte mme prọfet+ ẹma ẹdu uwem ke nsinsi?  Edi, amaedi mme ikọ mi ye mme ewụhọ mi emi n̄kowụkde mme asan̄autom mi, kpa mme prọfet,+ nte mmọ ikosụhu ke idem mme ete mbufo?’+ Ntre mmọ ẹma ẹfiak ẹtiene mi ẹnyụn̄ ẹdọhọ ẹte: ‘Kpa nte Jehovah mme udịm akaduakde ndinam ye nnyịn,+ nte ekemde ye mme usụn̄ nnyịn ye mme edinam nnyịn, ntre ke enye onyụn̄ anam ye nnyịn.’”+  Ke ọyọhọ usen edịp ye inan̄ ke ọyọhọ ọfiọn̄ duopekiet, oro edi, ọfiọn̄ Shebat, ke ọyọhọ isua iba emi Darius+ akarade, uyo Jehovah esịm Zechariah+ eyen Berechiah, eyen Iddo,+ prọfet, ete:  “N̄kokụt ke okoneyo, ndien, sese! owo+ awat ke ndatndat enan̄-mbakara,+ ndien enye atuak ada ke ufọt eto myrtle+ oro ẹdude ke ebeden̄; mme enan̄-mbakara oro ẹdide ndatndat, ata ndatndat, ye mfia, ẹnyụn̄ ẹda enye ke edem.”+  Ndien mbụp nte: “Ọbọn̄ mi, mmọ emi ẹdi mmanie?”+ Ndien angel oro ekenemede nneme ye ami ọbọrọ+ mi ete: “Ami nyowụt fi mbon oro mmọ emi ẹdide.” 10  Ekem owo oro akadade ke ufọt eto myrtle ọbọrọ ete: “Mmọ emi ẹdi mbon oro Jehovah osiode ọdọn̄ ete ẹsan̄a ke ofụri isọn̄.”+ 11  Ndien mmọ ẹdọhọ angel Jehovah oro akadade ke ufọt eto myrtle ẹte: “Nnyịn imasan̄a ke ofụri isọn̄,+ ndien, sese! ofụri isọn̄ ana sụn̄, afanikọn̄ ndomokiet inyụn̄ idụhe.”+ 12  Ntre angel Jehovah obụp ete: “O Jehovah mme udịm, adan̄a didie ke afo editre nditua Jerusalem ye mme obio Judah mbọm,+ emi afo osụn̄ide ke isua ata ye duop emi?”+ 13  Ndien Jehovah ada nti ikọ ye ikọ ndọn̄esịt ọbọrọ angel oro ekenemede nneme ye ami;+ 14  ndien angel oro ekenemede nneme ye ami ọdọhọ mi ete: “Fiori dọhọ ete, ‘Ntem ke Jehovah mme udịm ọdọhọ ete: “Mmefịbe ufụp mban̄a Jerusalem nnyụn̄ mfịbe akwa ufụp mban̄a Zion.+ 15  Mmayat esịt etieti mban̄a mme idụt oro ẹdude ke ifụre;+ koro ami n̄kayat esịt esisịt,+ edi mmọ ẹn̄wam ẹnam afanikọn̄ etetịm ọsọn̄ ubọk.”’+ 16  “Mmọdo ntem ke Jehovah ọdọhọ ete, ‘“Nditreke ndifiak ntiene Jerusalem nnyụn̄ ntua enye mbọm.+ Ẹyebọp ufọk mi ke esịt esie,”+ uyo Jehovah mme udịm edi emi, “ndien ẹyeda urụk udomon̄kpọ ẹdomo Jerusalem.”’+ 17  “Fiak fiori, ete, ‘Jehovah mme udịm ọdọhọ ntem ete: “Eti ido ọyọtọn̄ọ ntak ọyọhọ mme obio mi ọduọhọ;+ Jehovah oyonyụn̄ ọtọn̄ọ ntak okpụhọ ekikere* aban̄a Zion+ onyụn̄ afiak emek Jerusalem.”’”+ 18  Ndien ami mmenede enyịn nse; ndien, sese! nnụk inan̄.+ 19  Ntre ami mbụp angel oro ekenemede nneme ye ami nte: “Mmọ emi ẹdi nso?” Ndien enye ọbọrọ mi ete: “Mmọ ẹdi mme nnụk oro ẹkesuande Judah,+ Israel+ ye Jerusalem.”+ 20  Ekem, Jehovah owụt mi mme anamutom usọ inan̄. 21  Ndien mbụp nte: “Nso ke mmọ ẹdi ndinam?” Ndien enye ọbọrọ ete: “Mmọ emi ẹdi mme nnụk+ oro ẹkesuande Judah tutu baba owo kiet imenekede ibuot ke enyọn̄; ntre mbon emi ẹyedi ẹdinam mmọ ẹdịghe, man ẹbụn̄ mme nnụk mme idụt emi ẹmenerede nnụk ke enyọn̄ ẹn̄wana ye idụt Judah, man ẹsuan enye.”+

Mme Ikọ Idakisọn̄

At. Ed., “atua n̄kpọfiọk.”