Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Utom 6;1-15

6  Edikem ke mme usen oro, nte mme mbet ẹdiọn̄de-diọn̄ ẹwak, mme Jew emi ẹsemde usem Greek+ ẹsụk mme Jew emi ẹsemde usem Hebrew uyo, koro ẹfụmide mme ebeakpa mmọ ke ini ẹdemede udia ke usen ke usen.+  Ntre mbet duopeba oro ẹkot otu mbet ẹdi ẹnyụn̄ ẹdọhọ ẹte: “Inenke nnyịn ndikpọn̄ ikọ Abasi n̄kedeme udia ke okpokoro.+  Ntre, nditọete, ẹyom+ owo itiaba ke otu mbufo emi ẹnyenede eti enyịn̄, ẹyọhọde ye spirit ye ọniọn̄,+ man nnyịn ikpemek mmọ ẹse ẹban̄a utom emi;  edi nnyịn iyesịn idem ke akam ye ke utom ikọ Abasi.”+  Ndien se ẹtịn̄de emi enem ofụri otuowo, mmọ ẹnyụn̄ ẹmek Stephen, owo emi ọyọhọde ye mbuọtidem ye edisana spirit,+ ye Philip+ ye Prochorus ye Nicanor ye Timon ye Parmenas ye Nicolaus, owo Antioch emi edide okpono Abasi ke ido mme Jew;  ẹnyụn̄ ẹmen mmọ ẹnịm mme apostle ke iso, ndien, ke ẹma ẹkebọn̄ akam, mmọ emi ẹdori mmọ ubọk.+  Mmọdo ikọ Abasi ọdọdiọn̄ ọkọri,+ ibat mbet onyụn̄ aka iso nditọt ke Jerusalem etieti;+ akwa otu mme oku+ ẹnyụn̄ ẹtọn̄ọ ndisụk ibuot+ nnọ akpanikọ.  Edi Stephen, emi ọyọhọde ye mfọn ye odudu, anam ikpọ utịben̄kpọ ye mme idiọn̄ọ+ ke otu mme owo.  Edi ndusụk mbon emi ẹtode ebiet oro ẹkotde Synagogue Mbon Uwọrọ-Ufụn, ye ndusụk mbon Cyrene ye mbon Alexandria+ ye mbon Cilicia+ ye mbon Asia, ẹdaha ẹda ndineni eneni ye Stephen; 10  ndien mmọ ikemke ubọk ye ọniọn̄+ ye spirit emi enye adade etịn̄ ikọ.+ 11  Ekem mmọ ẹkpek mme owo ke ndịbe ndidọhọ ẹte:+ “Nnyịn imokop nte enye etịn̄de ikọ isụn̄i+ adian Moses ye Abasi.” 12  Ndien mmọ ẹdemede mme owo ye mbiowo ye mme scribe* ẹdi ẹdibuat enye, ẹnyụn̄ ẹmụm enye ke odudu ẹda ẹka Sanhedrin.+ 13  Ndien mmọ ẹsion̄o mme ntiense+ nsu ẹdi, emi ẹdọhọde ẹte: “Owo emi itreke nditịn̄ n̄kpọ ndian edisana ebiet emi ye Ibet.+ 14  Ke uwụtn̄kpọ, nnyịn ima ikop nte enye ọdọhọde ete ke Jesus eyen Nazareth emi oyowụri ebiet emi onyụn̄ okpụhọde mme ido emi Moses ọkọnọde nnyịn.” 15  Ndien nte kpukpru mbon oro ẹtiede ke Sanhedrin ẹwụkde enyịn ẹse enye,+ mmọ ẹkụt ke iso esie ebiet iso angel.+

Mme Ikọ Idakisọn̄

Se ik. id. Ut 4:5.